Juan 18:33 - Manobo Sarangani

³³ Minawop si Pilato te balay din. Impeangay din heman si Jesus aw mig-insà, “Sikona lay se Selotan te menge Judiyo?”

Juan 18:33 ပူးပေါင်းရင်းမြစ်များ

Juan 19:12

Pegdineg i Pilato kenyan, ibeg din megpelowà ki Jesus. Meneng migbelobansag se menge obanen te Judiyo, “Aw ipelowà no sikandin, meinang ka poon te selotan tadon si Cesar, so aw megpelingo-lingo se otaw selotan, poon sikandin i Cesar.”

Juan 19:3

Penga niyan, migpelingo-lingo dan dimuyun kandin iling te pegduyun dan te selotan, aw minikagi dan, “Iduyun sikona Selotan te menge Judiyo.” Nenampak dan heman kandin.

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

Juan 12:13

Simongon dan kandin, aw inibing dan se menge pelapà te palmera sinagpì dan, so yan se ketanem dan te pegsongon dan te selotan. Migpegais dan, “Iduyun se Timanem. Iduyun heman se insogò din dimateng den. Iduyun sikandin Selotan te kedita tadon bowad-bowad i Israel.”

Mar. 15:2

Pegdateng dan doton, mig-insà si Pilato ki Jesus, kagi din, “Sikona lay se Selotan te menge Judiyo?” Timaba si Jesus, “Ee. Benal se kagi nikaw.”

Mat. 27:11

Nayan, pegpengibing dan ki Jesus doton te gobirnador, mig-insà se gobirnador, “Sikona lay se Selotan te menge Judiyo?” Minikagi si Jesus, “Ee. Benal se kagi nikaw.”

1 Timoteo 6:13

Doen pa ipunù ko kamno te egtengtengen ki te Timanem meg-antay te kedita lekat te nematay, aw egtengtengen ki i Jesu Cristo mig-indan ki Poncio Pilato te kebenalan.

Juan 19:9

Todà din inibing si Jesus doton didalem te balay aw todà din ininsà, “Kenan ka lay lekat?” Meneng wedà taba si Jesus.

Juan 12:15

“Na, kedita niyo tege Sion, ikà niyo egkelemitan. Domateng se selotan niyo somakay te nati te asno.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Mat. 27:27

Penga niyan, inibing te menge sondalo si Jesus doton didalem te balay te gobirnador, aw migtipon dan te kedita te doma dan sondalo.

Luc. 23:2

Migdimanda dan tepad ki Jesus, kagi dan, “Kinità day se otaw seini megsamok peden te pongan day, so migtoladà sikandin te eked kepakay aw mayad kay te mihoras diyà te gobirno te Roma. Migpelingo-lingo heman sikandin Misiyas, sìyan selotan lomowan kenami.”

Juan 18:34

Minikagi si Jesus, “Lekat lay te kamno aneng-aneng se ininsà no, aw lekat lay iyan te doma otaw mig-indan kamno tepad kanak?”

Juan 18:38

Minikagi si Pilato, “Wedad palos otaw metaga-taga aw eden se ontò kebenalan.” Nayan, penga te peg-ikagi i Pilato kenyan, todà limowà diyà te balay din, aw minikagi diyà te menge obanen te Judiyo netipon kidoen, “Wedad palos salà din kinità ko.

Juan 19:4

Todà limowà si Pilato te balay, aw minikagi diyà te menge otaw netipon, “Na, ipelowà ko den sikandin dini kenyo amon ketegahan niyo te wedad palos salà din kinità ko.”