Juan 18:32 - Manobo Sarangani

³² Neinang iyan amon metoman se inikagi i Jesus tepad te keokit te pegkematay din.

Juan 18:32 ပူးပေါင်းရင်းမြစ်များ

Mat. 20:19

Ibegay a dan heman diyà te belad te otaw kenà Judiyo. Kebebeyatan a dan, aw bedasen a dan, aw penga niyan ilansang a diyà te kros amon matay a. Penga niyan, meantay a lekat te nematay te iketelo te aldaw.”

Mat. 26:2

“Netegahan niyo den besi te dowa mendad se aldaw te pegdateng te Pista te Pegpelowà, aw metoman a ibegay diyà te belad te otaw meglansang kanak Timanem Migpekeotaw diyà te kros.”

Mar. 10:33

kagi din, “Na, domoton kidon den te Jerusalem. Penga niyan, siak Timanem Migpekeotaw se itolok, aw ibegay a diyà te belad te menge pengolo te simbahan aw menenoladà te punù ingkeliwat i Moises. Megsebad dan mikagi te keilangan imetayan a. Ibegay a dan heman diyà te belad te menge otaw kenà Judiyo.

Juan 10:31

Pegdineg te menge obanen te Judiyo te inikagi din sìyan, todà dan nengimon te menge bato ibontog kandin amon imetayan dan sikandin.

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”

Juan 13:18

Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Juan 18:31

Minikagi si Pilato, “Mèpiya aw sikiyo se megpelumun kandin tepad te menge punù egtoloen niyo.” Minikagi se menge obanen te Judiyo, “Meneng eked kepakay diyà te gobirno te Roma aw sikami se mengimatay te otaw ipelumun day.”

Juan 21:19

Yan se inikagi i Jesus amon ipetaga-taga din kandin aw eden se keokit te pegkematay i Pedro amon iduyun se Timanem. Penga niyan, minikagi si Jesus, “Gayed ka taking kanak.”

Juan 3:14

“Gebii te pegkegelà te menge Judiyo lekat te pegtongkà te menge memokan kidoen te kebigtilan, ininang i Moises se memokan lekat te galang, aw insawol din iyan kidoen te kayo intollok amon eked kematay se otaw tomengteng kenyan. Iling heman kenyan, siak Timanem Migpekeotaw se isawol kidoen te kayo itollok.

Juan 8:28

Minikagi si Jesus, “Penga te pegsawol niyo te Timanem Migpekeotaw kidoen te kayo intollok, yan ketegahan niyo te benal se inikagi ko tepad te pegkeotawun ko. Ketegahan niyo heman te wedà ko teboki se pegtoladà ko, meneng ipegtoladà ko se intoladà te Amay ko kanak.

Ininang 7:59

Pegbontog dan kandin, migtawal-tawal sikandin, kagi din, “E Jesus Pengolo ko, kinewai se pedowan ko, so matay a den.”

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”