Juan 18:30 - Manobo Sarangani

³⁰ Timaba dan, “Simpana wedad salà ininang din, eked day ibingi dini kamno amon ipelumun nikaw.”

Juan 18:30 ပူးပေါင်းရင်းမြစ်များ

Mar. 10:33

kagi din, “Na, domoton kidon den te Jerusalem. Penga niyan, siak Timanem Migpekeotaw se itolok, aw ibegay a diyà te belad te menge pengolo te simbahan aw menenoladà te punù ingkeliwat i Moises. Megsebad dan mikagi te keilangan imetayan a. Ibegay a dan heman diyà te belad te menge otaw kenà Judiyo.

Mar. 15:3

Penga niyan, medita se indimanda te menge pengolo te simbahan tepad kandin.

Luc. 24:7

Inikegiyan kaw din te keilangan ibegay sikandin Timanem Migpekeotaw diyà te belad te menge otaw nelegeb te salà amon imetayan dan sikandin ilansang diyà te kros, aw penga niyan, meantay sikandin lekat te nematay te iketelo te aldaw.”

Juan 18:29

Yan se doun te limowà diyà kandan se gobirnador si Pilato, aw minikagi, “Eden lay se dimanda niyo tepad te otaw seini?”

Juan 18:31

Minikagi si Pilato, “Mèpiya aw sikiyo se megpelumun kandin tepad te menge punù egtoloen niyo.” Minikagi se menge obanen te Judiyo, “Meneng eked kepakay diyà te gobirno te Roma aw sikami se mengimatay te otaw ipelumun day.”

Juan 19:12

Pegdineg i Pilato kenyan, ibeg din megpelowà ki Jesus. Meneng migbelobansag se menge obanen te Judiyo, “Aw ipelowà no sikandin, meinang ka poon te selotan tadon si Cesar, so aw megpelingo-lingo se otaw selotan, poon sikandin i Cesar.”

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

2 Timoteo 2:9

So migtoladà a te Mèpiya Indan sìyan, nelimahan a den aw kineleboso a den iling te telebonò. Pengkey ginapos a, meneng eked kesagda se pegtoladà te kagi te Timanem.

1 Pedro 4:15

Wedad peden otaw doton kenyo ipelumun so egbonò, aw egpenakaw, aw eglàpang te punù te gobirno, aw eg-inabut te doma.