Juan 18:15 - Manobo Sarangani

¹⁵ Nayan, si Simon, se doma ngadan din si Pedro, aw doma din sebad tinoledaan i Jesus, timelokon dan ki Jesus. Pegdateng dan doton te balay te ontò pengolo te simbahan, timaking se sìyan sebad tinoledaan ki Jesus doton te dowangen te balay, so kinilala sikandin te ontò pengolo te simbahan.

Juan 18:15 ပူးပေါင်းရင်းမြစ်များ

Luc. 22:54

Penga niyan, dinakep dan si Jesus aw inibing dan sikandin doton te balay te ontò pengolo te simbahan. Timelokon heman si Pedro meneng migpekediyò.

Mar. 14:54

Timelokon heman si Pedro, meneng migpekediyò sikandin lamig dimateng doton te dowangen te balay te ontò pengolo te simbahan. Nenenoo sikandin doma te menge otaw migtonggò te dakel simbahan, aw mig-ingadang sikandin diyà te apoy dan.

Mat. 26:3

Dalem niyan, netipon se menge pengolo te simbahan aw menge obanen te Judiyo doton te balay te ontò pengolo dan si Caifas.

Juan 18:24

Penga niyan, todà ginapos se belad i Jesus, aw impeibing sikandin i Anas doton te ontò pengolo te simbahan si Caifas.

Juan 18:28

Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.