Juan 18:11 - Manobo Sarangani

¹¹ Minikagi si Jesus diyà ki Pedro, “Olii se podok diyà te lomà, so keilangan detengan a te kelimahan imbegay te Amay ko diyà kanak.”

Juan 18:11 ပူးပေါင်းရင်းမြစ်များ

Mat. 26:39

Penga niyan, dimeleg si Jesus te kenà mediyò, aw limemlem sikandin aw migtawal-tawal, kagi din, “Amà, aw mepakay diyà kamno, eked a no peden peokiti diyà te kelimahan seini. Meneng ibeg ko, kamno ibeg se metoman, kenà kanak.”

Mat. 20:22

Minikagi si Jesus, “Wedà niyo ketegahi aw eden se kebegat te pinemoyò niyo. Meketayod kaw lay heman te kelimahan agpet den domateng kanak?” Timaba dan, “Ee, meketayod kay heman kenyan.”

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Juan 15:10

Aw tomolò kaw te impunù ko kenyo, yan ketegahan niyo te dakel se pedowan ko kenyo, iling te timolò a te impunù te Amay ko kanak, aw netegahan ko te dakel se pedowan din kanak.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

2 Korinto 10:4

Se kekamang ko, kenà iling te menge kekamang te gira, meneng doen eneg imbegay kanak lekat te Timanem. Yan mekedaeg a te kededàtan, pengkey iling te kagsen te kotà te sondalo.

Luc. 22:42

“Amà, aw mepakay diyà kamno, eked a no peokiti te kelimahan seini. Meneng ibeg ko, kamno ibeg se metoman, kenà kanak.” [

Mat. 26:42

Migpekediyò-diyò si Jesus te ikedowa, aw migtawal-tawal, kagi din, “Amà, aw eked kepakay aw eked a okit diyà te kelimahan seini, ibeg ko metoman se kamno ibeg.”

2 Korinto 6:7

Ipekità ko te metòlid se eg-inangen ko so egtoladà a heman te kebenalan, aw ontò a egtebangan te tolos te Timanem. Iling a te sondalo doen kekamang eked dàgi te poon din, so iling te sondang aw kelasag se ketòlid te pedowan imbegay te Timanem kanak.

Juan 18:36

Timaba si Jesus, “Kenà dini te keneyonan se peglowan ko. Simpana dini te keneyonan se peglowan ko, yan domapit se menge sakop ko kanak amon eked a dekepi te menge obanen te Judiyo. Meneng kenà dini te keneyonan se peglowan ko.”

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Luc. 12:30

Se kedita te otaw kenà egsalig te Timanem, gayed dan egketetana tepad te keogpà dan. Meneng netegahan den te Timanem se kepulukan niyo.