Juan 17:8 - Manobo Sarangani

⁸ Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 17:8 ပူးပေါင်းရင်းမြစ်များ

Juan 17:14

Ingkeliwat ko den kandan se kagi no, so netegahan ko te kebensihan dan kwani te menge otaw medaet dini te keneyonan. Kebensihan dan so kenà dan egtaking te otaw medaet dini te keneyonan. Iling heman kanak, kenà a egtaking te otaw medaet dini te keneyonan.

Juan 15:15

Lekat seini, eked ko sikiyo tewali menge sineligan ko, meneng tewalen ko sikiyo menge sigalak ko. Se menge sineligan, eked dan ketegahi aw eden se tod te amo dan. Meneng sikiyo se menge sigalak ko, so impetaga-taga ko kenyo se kedita te intoladà te Amay ko kanak.

Juan 16:30

Netegahan day den te netaga-taga ka te kedita, aw wedad keilangan te meg-insà kay kamno. Yan se doun te nemenal kay den te insogò ka te Timanem.”

Juan 16:27

so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Juan 14:10

Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 12:49

Wedà ko teboki se pegtoladà ko, meneng insogò a te Amay ko, aw sikandin se migpunù kanak aw eden se ikegiyen ko aw itoladà ko.

Juan 6:68

Timaba si Simon, se doma ngadan din si Pedro, kagi din, “Pengolo, wedad palos doma tekingan day, so sebad no se egtoladà tepad te kaling pedowan wedad temanan.

1 Tesalonika 4:1

Nayan menge kedowa day, migtoladà kay kenyo te keilangan metòlid se eg-inangen niyo amon meluba se Timanem kenyo. Yan se ininang niyo. Meneng tandà te pegsebad tadon diyà te Pengolo tadon si Jesus, ontò kay den memoyò kenyo te gayed kaw megpekeaseb meg-inang te metòlid.

1 Korinto 15:1

Nayan menge kedowa ko, todà a meg-indan kenyo tepad ki Cristo, so yan se Mèpiya Indan intoladà ko kenyo, aw pinemenalan niyo, aw in-awop niyo te pedowan.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 17:18

Insogò a no dini te keneyonan, aw yan isogò ko den dan megtoladà te kedita te otaw dini te keneyonan.

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

1 Korinto 11:23

Seini se intoladà te Pengolo kanak, sìyan ingkeliwat ko kenyo kedengan tepad te peg-aneng-aneng te pegkematay te Pengolo. Te delem te wedà pa dekepi si Jesus, nengabat sikandin te pan,

Juan 3:33

Meneng se otaw memenal te kagi din, yan se otaw megpetaga-taga te benal se kagi te Timanem.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Impekità 1:1

Seini se impekità i Jesu Cristo. Ingkeliwat din ini lekat te Timanem diyà te kedita tadon egtolò kandin, amon metaga-taga kidon aw eden se metoman domateng te eked kenamay. Siak si Juan sebad sakop i Jesu Cristo. Doen anghil insogò din amon ipetaga-taga din ini kanak.