Juan 17:6 - Manobo Sarangani

⁶ “Migpetaga-taga a kamno diyà te kedita te otaw seini insalig no kanak dini te keneyonan. Pinemallì no dan, aw imbegay no dan kanak, aw timolò dan te impunù no kandan.

Juan 17:6 ပူးပေါင်းရင်းမြစ်များ

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Juan 12:28

Penga niyan, migtawal-tawal si Jesus, “Amà, pekitai diyà te menge otaw dini te ontò ka melangkaw.” Peg-ikagi din kenyan, dinineg dan se kagi te Timanem lekat te langit, kagi din, “Tapay ko den iyan impekità, aw todà ko heman ipekità.”

Juan 15:19

Simpana sakop kaw te menge otaw sìyan, sigalak kaw dan so onawa kaw kandan. Meneng kenà kaw den sakop dan, so nemallì a den kenyo aw impelowà ko den sikiyo lekat kandan. Yan se doun te kebensihan kaw dan.

Juan 15:3

Lininisan kaw den pineokit te kebenalan intoladà ko kenyo.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Juan 17:12

Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

Juan 17:14

Ingkeliwat ko den kandan se kagi no, so netegahan ko te kebensihan dan kwani te menge otaw medaet dini te keneyonan. Kebensihan dan so kenà dan egtaking te otaw medaet dini te keneyonan. Iling heman kanak, kenà a egtaking te otaw medaet dini te keneyonan.

Juan 17:16

Kenà a egtaking te otaw medaet dini te keneyonan, aw iling heman kanak se menge sakop ta, so kenà dan egtaking te otaw medaet dini te keneyonan.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 17:7

Netegahan den dan te lekat kamno se kedita te insalig no kanak.

Juan 18:9

Pineokit te inikagi din sìyan, netoman se kagi tapay intawal-tawal din, te eked kebàti se otaw insalig te Timanem diyà kandin.

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

Juan 6:39

Aw seini se ibeg din, te tonggoan ko se kedita te otaw insalig din diyà kanak amon wedad metalon kandan, aw entayen ko se kedita dan te temanan aldaw.

Juan 8:51

Eneng-enengi niyo se kagi ko kenyo. Eked detengi te kemetayun se kedita te otaw tomolò te ipegtoladà ko.”

Juan 8:52

Minikagi se menge obanen te Judiyo, “Ontò day den netegahan te doen bosaw diyà kamno. Pengkey si Abraham aw kedita te telekeliwat te kagi te Timanem gebii, dinetengan se kedita dan te kemetayun. Meneng minikagi ka te eked detengi te kemetayun se otaw tomolò te ipegtoladà nikaw.

Ininang 13:48

Pegdineg te menge otaw kenà Judiyo kenyan, ontò dan neluba aw dimuyun dan te Timanem tepad te inikagi i Pablo. Nemenal se kedita te otaw neibeg te kaling pedowan wedad temanan.

Roma 11:2

Wedà tinàyog se Timanem te menge Judiyo, sìyan pinemallì din gebii. Netegahan tadon iyan so doen insolat diyà te kagi te Timanem tepad te inikagi te telekeliwat te kagi te Timanem si Elias gebii. Pegtawal-tawal din diyà te Timanem, mig-indan sikandin tepad te medaet ininang te menge doma din Judiyo,

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

2 Timoteo 1:13

Taking ka te kebenalan intoladà ko kamno, so yan se keilangan peg-ilingan nikaw. Lobosi se pegsalig no diyà ki Jesu Cristo, aw lobosi se pegkedakel te pedowan no te doma otaw, so yan se pengilala te migsebad kidon diyà ki Jesu Cristo.

Menge Hebreo 2:12

so minikagi sikandin, “Amà, mig-indan a tepad kamno diyà te menge kedowa ko. Iduyun ta pineokit te pegdelangan ko sipat kedita te otaw egsimba kamno.”

Menge Hebreo 3:6

Meneng kenà sineligan te Timanem si Jesus, so Batà din sikandin. Insalig te Timanem kandin se pegpengibing te kedita te menge sakop te Timanem. Aw gayed kidon somalig diyà te egpelimanan tadon, ipetaga-taga tadon te sakop kidon din.

1 Pedro 1:1

Se solat seini lekat kanak si Pedro. Siak se sebad sogounun i Jesu Cristo. Seini se solat ko te kedita niyo menge sakop te Timanem impekadas lekat te kenyo ogpeanan, aw eg-ogpà den doton te menge probinsya te Ponto, Galasya, Kapadosya, Asya, aw Bitinya.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.

Impekità 3:10

So ontò kaw timolò te impunù ko kenyo te keilangan tomayod kaw te kelimahan iling te kanak pegtayod te kelimahan, yan ontò a heman meg-ipat kenyo amon eked kaw detengi te ontò medaet kelimahan agpet domateng diyà te kedita te otaw te keneyonan.

Impekità 3:8

Netegahan ko te mèpiya se eg-inangen niyo. Yan inowang ko den se lelebangan amon mokit kaw, aw wedad meketakep kenyan. Netegahan ko te pengkey pilabok kaw aw sagkep kaw, meneng gayed kaw pa egtolò te kagi ko. Wedà kaw pegbolon te sikiyo se menge sakop ko.