Juan 17:3 - Manobo Sarangani

³ Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 17:3 ပူးပေါင်းရင်းမြစ်များ

Mar. 9:37

“Aw megsagman se otaw te sakop ko iling te kedanà te sebad batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, kenà olò siaken se segmanen din, so segmanen din heman se Amay ko simogò kanak.”

Luc. 9:48

Penga niyan, minikagi si Jesus, “Aw megsagman se otaw te batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, segmanen din heman se Amay ko simogò kanak. Se otaw ontò megpedanà kidoen kenyo, yan se ontò melangkaw.”

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 11:42

Netegahan ko te gayed a no egpenenelanen. Meneng migtawal-tawal a den kamno seini amon ketebangan se menge doma otaw dini, so ibeg ko memenal dan te sikona se simogò kanak dini te tanà.”

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 17:18

Insogò a no dini te keneyonan, aw yan isogò ko den dan megtoladà te kedita te otaw dini te keneyonan.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 17:25

E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

Juan 5:44

Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Juan 6:57

Insogò a te Amay ko wedad temanan din, aw doen heman pedowan ko wedad temanan lekat kandin. Iling heman kenyan se otaw komaen kanak, so yan se otaw begayan te pedowan wedad temanan pineokit kanak.

Juan 7:29

Netaga-taga a kandin so dimini a lekat kandin, aw sikandin se simogò kanak.”

Juan 8:19

Migtompuyus se menge Parisiyo kandin aw minikagi dan, “Kenan lay se amay nikaw?” Timaba si Jesus, “Wedà niyo ketegahi aw sinu a. Wedà niyo heman ketegahi aw sinu se Amay ko. Aw netegahan niyo aw sinu a, netegahan niyo heman aw sinu se Amay ko.”

1 Korinto 15:34

Peketòlid kaw. Lengai niyo den se peg-inang niyo te salà. Simolat a kani kenyo amon meyàyà kaw, so medita pa se otaw kidoen kenyo eg-inang te salà, aw wedà ketaga-taga te kebenalan tepad te inang te Timanem.

1 Korinto 8:4

Nayan, tepad te pegkaen te pengelapen imbegay diyà te inotaw, benal se inikagi niyo te kenà ontò timanem se egbegayan dan. Benal heman se inikagi niyo te olò sebad se Timanem.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Filipos 3:10

Ibeg ko den ontò a metaga-taga kandin. Ibeg ko heman tebangan a din pineokit te tolos eggemiten din lekat te pegkeantay din lekat te nematay. Ibeg ko heman mekeiling a kandin pengkey detengan a te kelimahan iling te kelimahan dimateng kandin, aw pengkey imetayan a iling te pegkematay din,

Filipos 3:8

Yan pengkey eden se mèpiya inang ko kedengan, netegahan ko den te wedad palos ontong ko kenyan, so labi pa mèpiya se pegtaking ko te Pengolo tadon si Jesu Cristo. Pegpemenal ko kandin, tinenanan ko se kedita te doma egseligan ko. Tinenanan ko se wedad ontong amon tomaking a ki Cristo,

1 Tesalonika 1:9

Eg-indan se kedita dan aw eden se ininang niyo te pegdoton day kenyo. Eg-indan dan te limengà kaw den te pegsimba niyo te inotaw, aw egtolò kaw den ekon te benal Timanem wedad temanan din.

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

2 Pedro 1:2

Ibeg ko ontò kaw tebangan te Timanem, aw inangen din heman ontò melinaw se pedowan niyo pineokit te peg-iling niyo tepad te Timanem aw tepad te Pengolo tadon si Jesu Cristo.

2 Pedro 1:3

Tinebangan kidon te Timanem Metolos amon gayed kidon meketolò te ibeg din dalem te peg-ogpà tadon dini lanto te tanà. Yan se ininang din so netegahan tadon den sikandin. Tinawal kidon din amon mekeakop kidon diyà te kelangkaw din aw kèpiya din.

2 Pedro 1:8

Aw kidoen kenyo se kedita niyan, doen dakel ontong niyo te pegketaga-taga niyo te Pengolo tadon si Jesu Cristo.

1 Juan 1:2

Impekità sikandin egpemegay te kaling pedowan, aw kimità kay kandin, aw benal se kagi day te kinità day sikandin. Megtoladà kay heman kenyo te sikandin se egpemegay te kaling pedowan wedad temanan, aw sikandin se gayed egdoma te Timanem Amay, aw sikandin se dimini amon megpekità diyà kenami.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Juan 2:23

Aw eked pemenal se otaw te Batà te Timanem, eked heman sikandin pegpesakop diyà te Timanem Amay. Meneng aw mikagi se otaw te ontò sikandin nemenal te Batà te Timanem, migpesakop den heman sikandin diyà te Timanem Amay.

1 Juan 4:6

Meneng diyà kidon den te Timanem, aw yan se doun te egpenenelanen te kedita te otaw egtaking te Timanem se ipegtoladà tadon. Meneng kenà kidon egpenenelanen te otaw kenà egtaking te Timanem. Yan se pengilala amon ketegahan tadon aw sinu se egtaking te kebenalan aw sinu se egtaking te kebolalaw.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.