Juan 17:25 - Manobo Sarangani

²⁵ E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Juan 17:25 ပူးပေါင်းရင်းမြစ်များ

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Luc. 10:22

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.”

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Juan 16:27

so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

Juan 16:3

Meneng memilang dan kenyo so wedà dan ketaga-taga te Amay ko, aw wedà dan heman ketaga-taga kanak.

Juan 16:30

Netegahan day den te netaga-taga ka te kedita, aw wedad keilangan te meg-insà kay kamno. Yan se doun te nemenal kay den te insogò ka te Timanem.”

Juan 17:11

Nayan, agpet a den molì doton kamno, aw eked a peg-ogpà dini te keneyonan. Meneng meg-ogpà pa dini te keneyonan se kedita te sakop ta. Amà, metòlid se kedita te eg-inangen nikaw. Peg-ipat ka kandan amon eked dan soway lekat te kebenalan tepad te kamno pegkeotawun insalig no kanak. Peg-ipat ka kandan amon megsebad dan te pedowan, iling te pegsebad te pedowan ta.

Juan 17:18

Insogò a no dini te keneyonan, aw yan isogò ko den dan megtoladà te kedita te otaw dini te keneyonan.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Juan 6:19

Pegbugsay dan te menge lima kilomitro, kinità dan si Jesus migpesalo kandan, aw minipanaw sikandin diyà te lanto te lanaw. Ontò dan nelemitan.

Juan 7:29

Netaga-taga a kandin so dimini a lekat kandin, aw sikandin se simogò kanak.”

Juan 8:19

Migtompuyus se menge Parisiyo kandin aw minikagi dan, “Kenan lay se amay nikaw?” Timaba si Jesus, “Wedà niyo ketegahi aw sinu a. Wedà niyo heman ketegahi aw sinu se Amay ko. Aw netegahan niyo aw sinu a, netegahan niyo heman aw sinu se Amay ko.”

Juan 8:55

Meneng wedà kaw ketaga-taga kandin. Netaga-taga a kandin, aw simpana mikagi a te wedà a ketaga-taga kandin, bolelawun a heman iling kenyo. Meneng seini se kebenalan, te netaga-taga a kandin, aw egtoloen ko se menge punù din.

Ininang 17:23

so peglegeb ko dini te Atenas, kinità ko se medita dogsoanan niyo. Doen heman sebad sinolatan te kagi, ‘Dogsoanan te timanem wedà tadon ketegahi.’ Nayan, se Timanem egdogsoan niyo pengkey wedà niyo ketegahi, sikandin se itoladà ko den kenyo.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

Roma 3:11

Wedad palos otaw netaga-taga tepad te Timanem. Wedad heman otaw meibeg metaga-taga te Timanem.

Roma 3:26

Meneng songkani wedad salà eked din pelumuni amon ipetaga-taga din kenitadon te metòlid sikandin, aw eneng-enengen din te metòlid se teg sebad-sebad otaw egpemenal ki Jesus.

1 Korinto 1:21

Wedad otaw metaga-taga te Timanem pineokit te kebiyasa dan. Meneng lekat te kebiyasa te Timanem, miglalang sikandin te ipelowà din se otaw memenal te kebenalan ipegtoladà kandan, pengkey doen otaw eg-aneng-aneng te wedad ontong kenyan.

1 Korinto 15:34

Peketòlid kaw. Lengai niyo den se peg-inang niyo te salà. Simolat a kani kenyo amon meyàyà kaw, so medita pa se otaw kidoen kenyo eg-inang te salà, aw wedà ketaga-taga te kebenalan tepad te inang te Timanem.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Menge Hebreo 8:11

Aw metoman iyan, wedad den keilangan te megtoladà se otaw te menge doma din te keilangan meg-iling dan tepad kanak, so metaga-taga se kedita te otaw tepad kanak, pengkey sagkep aw melangkaw dan.

1 Juan 1:9

Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

Impekità 16:5

Dinineg ko se inikagi te anghil insogò kidoen te wayeg, kagi din, “E Timanem eg-inang te metòlid, doen ka seini aw doen ka heman gebii. Ontò metòlid se pegpelumun no te otaw seini.