Juan 17:22 - Manobo Sarangani

²² Imbegay ko den kandan se kelangkaw imbegay no kanak, amon megsebad dan te pedowan iling te pegsebad te pedowan ta,

Juan 17:22 ပူးပေါင်းရင်းမြစ်များ

Mar. 6:7

Doen sebad aldaw migtipon sikandin te sempolò teg dowa tinoledaan din. Imbegay din diyà kandan se tolos amon megpelowà dan te bosaw lekat te otaw, aw insogò din dan teg dowa-dowa doton te menge doma ogpeanan.

Luc. 22:30

se megdoma kanak te pegkaen ko kidoen te peglowan ko. Sikiyo heman se isawol ko lomowan diyà te sempolò teg dowa pongan te menge bowad-bowad i Israel.”

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:16

Ontò kidon din neidowan, aw gayed kidon din egtebangan te wedad temanan.

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

Efeso 2:20

Se kedita tadon egpemenal, iling kidon te balay, aw iling te tollok te balay se menge sogounun i Cristo aw menge telekeliwat te kagi te Timanem. Si Jesu Cristo se iling te bato pinetindegan te balay sìyan.

Filipos 1:29

Pinemallì kaw din kenà olò amon memenal kaw ki Cristo, meneng pinemallì kaw din heman amon pemilangen kaw tandà te pegtaking niyo kandin.

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

1 Juan 4:17

So sikitadon diyà kandin, aw mesikop se kedakel te pedowan din kenitadon, yan ketegahan tadon te wedad medaet kitaen te Timanem kidoen te pedowan tadon aw domateng se aldaw te peg-okom te Timanem te kedita te otaw. Pengkey dini kidon pa te keneyonan, meneng iling ki Cristo se kenitadon pegkeotawun.

Impekità 21:14

Doen sempolò teg dowa dakel bato pinetindegan te alad, aw sinolatan se bato te menge ngadan te sempolò teg dowa sogounun te Karniro.