Juan 17:2 - Manobo Sarangani

² Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 17:2 ပူးပေါင်းရင်းမြစ်များ

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Juan 17:6

“Migpetaga-taga a kamno diyà te kedita te otaw seini insalig no kanak dini te keneyonan. Pinemallì no dan, aw imbegay no dan kanak, aw timolò dan te impunù no kandan.

Juan 17:9

“Doen den pemoyoen ko kamno tepad te menge otaw seini. Kenà tepad te menge otaw egtaking te medaet dini te keneyonan se pemoyoen ko kamno, meneng tepad te menge otaw insalig no diyà kanak, so sakop no dan.

Juan 3:35

Ontò dakel se pedowan te Timanem Amay diyà te Batà din, aw insalig din diyà kandin se peglowan diyà te kedita.

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

Juan 6:39

Aw seini se ibeg din, te tonggoan ko se kedita te otaw insalig din diyà kanak amon wedad metalon kandan, aw entayen ko se kedita dan te temanan aldaw.

Roma 6:23

Detengan te kemetayun wedad temanan se otaw eg-inang te salà. Meneng se ibowang te Timanem, yan se kaling pedowan wedad temanan pineokit te pegpemenal tadon te Pengolo tadon si Jesu Cristo.

1 Korinto 15:25

so lomowan pa si Cristo lamig te aldaw dàgen din se kedita te poon din aw tomolò dan kandin.

Efeso 1:20

pineokit te ininang din diyà ki Cristo, so inantay din sikandin lekat te nematay, aw impenenoo din sikandin kidoen te tangkil din doton te langit amon lomowan heman doma din.

Filipos 2:10

Amon lomongken se kedita diyà kandin, pengkey eg-ogpà dan doton te langit, aw dini lanto te tanà, aw pengkey doton didalem te tanà. Domuyun se kedita dan te ngadan i Jesus,

1 Timoteo 1:16

Meneng neidowan a te Timanem, so tod din ipetaga-taga din te ontò medalem se pedowan i Jesu Cristo te pegkeido din kanak, pengkey siak se ontò medaet diyà te kedita te otaw nekesalà. Yan se ininang din amon metaga-taga se kedita te doma otaw memenal kandin te begayan din dan heman te kaling pedowan wedad temanan.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.

1 Juan 1:2

Impekità sikandin egpemegay te kaling pedowan, aw kimità kay kandin, aw benal se kagi day te kinità day sikandin. Megtoladà kay heman kenyo te sikandin se egpemegay te kaling pedowan wedad temanan, aw sikandin se gayed egdoma te Timanem Amay, aw sikandin se dimini amon megpekità diyà kenami.

1 Juan 2:25

Doen impakang i Jesus kenitadon, aw yan se kaling pedowan wedad temanan imbegay din.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Judas 1:21

Ikà niyo egtanan te kedakel te pedowan te Timanem dalem te pegtagad niyo te Pengolo tadon si Jesu Cristo egkeido kenyo, so ipeogpà kaw din doma din te wedad temanan.