Juan 17:19 - Manobo Sarangani

¹⁹ Amon ketebangan ko dan, ibegay ko den kamno se pegkeotawun ko tomolò te ibeg no, amon memegay dan heman kamno te pegkeotawun dan aw melobos heman se pegtolò dan te ibeg no kandan.

Juan 17:19 ပူးပေါင်းရင်းမြစ်များ

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 15:13

Aw meketagad se otaw somelilin te menge sigalak din imetayan, yan se pengilala te ontò dakel se pedowan din kandan.

Juan 15:3

Lininisan kaw den pineokit te kebenalan intoladà ko kenyo.

Juan 17:17

Se kedita te sakop ta, ibeg ko inangen no dan otaw ontò egpenimanem pineokit te kebenalan lekat kamno, so benal se kedakel te kagi nikaw.

Juan 17:20

“Kenà olò sakop ta seini se intawal-tawal ko den diyà kamno, meneng kedita heman te doma otaw memenal kwani kanak pineokit te itoladà dan kandan.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

2 Korinto 4:15

Pengkey egpemilangen a tandà te pegtoladà ko, meneng ibeg ko doen kèpiyaan niyo, amon pineokit te pegladlad te tabang te Timanem diyà te medita otaw, doen heman labi pa medita otaw megpesiontong kandin amon sikandin se iduyun.

2 Korinto 7:14

Kedengan, induyun ko sikiyo diyà ki Tito. Wedà a den keyàyà, so netoman den se kagi ko kandin. Benal se kedakel te inikagi ko kenyo kedengan. Iling kenyan, benal heman se peg-indan ko ki Tito tepad kenyo, so netoman den iyan.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

2 Timoteo 2:10

Yan se doun te egpeketayod a te kelimahan dimateng kanak amon ketebangan ko se menge otaw pinemallì te Timanem, so ibeg ko mekelowà dan heman lekat te salà pineokit te pegpemenal dan ki Jesu Cristo, aw kominawà dan heman te kaling pedowan wedad temanan.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Menge Hebreo 10:29

Meneng labi pa medaet se pelumun domateng diyà te otaw megtompuyus te Batà te Timanem, so pineokit te pegtompuyus din kandin, impetaga-taga din te wedad ontong din diyà te dipanog i Cristo ilinis peden kandin, pengkey yan se pengilala te doen den kaling peokit pesalo doton te Timanem. Ipelumun sikandin so nengako sikandin te Espiritu Santo gayed egkeido.

Menge Hebreo 2:11

Timanem se Amay i Jesus eglinis lekat te salà, aw Timanem heman se Amay te kedita tadon lininisan din lekat te salà. Yan se doun te kenà sikandin egkeyàyà mikagi te sikitadon se menge kedowa din,

Menge Hebreo 9:13

Aw memaed se otaw te lawa te otaw nematay, doen punù ingkeliwat i Moises te keilangan linisan sikandin. Keilangan wilikan sikandin te dipanog te kambing aw baka, aw bodbodan heman sikandin te abo te nati te baka sonogen amon melinis se lawa din.

Menge Hebreo 9:18

Iling heman kenyan se tapay peokit ininang te Timanem, so wedad ontong te otaw kenyan singed aw doen dipanog te ayam-ayam imetayan dan.

Menge Hebreo 9:26

Simpana kenà iyan botong, keilangan melikit se pegkematay din lekat te keteboan te keneyonan lamig songkani. Meneng kenà iling kenyan si Cristo, so mekesebad olò se peg-inang din songkani te wedà pa dateng se temanan te keneyonan, aw botong den iyan. Migpekeotaw sikandin amon mengabat te salà tadon pineokit te pegpemegay te kandin lawa te pegkematay din.

1 Juan 3:18

Menge batà ko te pegpemenal, wedad ontong aw olò kidon mikagi te dakel se pedowan tadon te doma otaw meneng wedad ketomanan niyan. Keilangan ipekità tadon te benal dakel se pedowan tadon te doma otaw pineokit te tabang tadon kandan.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.