Juan 17:15 - Manobo Sarangani

¹⁵ Memoyò a den kamno kenà amon ebaten no dan lekat te otaw egtaking te medaet dini te keneyonan, meneng ibeg ko meg-ipat ka kandan amon eked dan keekali i Satanas.

Juan 17:15 ပူးပေါင်းရင်းမြစ်များ

1 Juan 5:18

Netegahan tadon ini. Aw ininang kidon den menge batà te Timanem, yan kenà kidon egpedeleg eg-inang te salà, so egtonggoan kidon te Batà te Timanem amon eked kidon pegtindàti i Satanas.

2 Tesalonika 3:3

Meneng egkeseligan se Pengolo tadon. Sikandin se megpekagsen te pegsalig niyo diyà kandin aw megtonggò kenyo amon eked kaw dàgi i Satanas.

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Luc. 11:4

Pegwedadi se salà ininang day diyà kamno, so egwedad kay te salà eg-inangen te doma otaw diyà kenami. Ikà egpeokit kenami diyà te peg-akal.’”

2 Timoteo 4:8

aw yan doen den ontong intagò kanak. Yan se ibegay te Pengolo tadon diyà te kedita te otaw eg-eneng-enengen din te metòlid dan aw domateng se aldaw te peg-okom din. Ontò metòlid se peg-okom din, aw kenà olò siaken se begayan din te ontong, meneng begayan din se kedita te otaw migpeliman te peglikò din.

Genesis 48:16

Sikona se migpelowà kanak amon wedad memeeleg kanak. Ibeg ko mèpiya se ibegay no diyà te didowa telaki seini. Ibeg ko eked palos kelibeli se ngadan ko aw ngadan te menge kemonaan ko si Abraham aw si Isaac pineokit te didowa apò ko seini. Ibeg ko heman, megkedita se batà dan aw menge bowad-bowad dan.”

Mat. 5:37

Aw keseligan se kagi niyo, botong aw olò kaw tomaba, ‘Ee,’ aw ‘Eked.’ Aw keilangan isogpat niyo se sapà diyà te kebenalan, medaet iyan, so lekat iyan ki Satanas.”

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.