Juan 17:12 - Manobo Sarangani

¹² Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

Juan 17:12 ပူးပေါင်းရင်းမြစ်များ

Juan 18:9

Pineokit te inikagi din sìyan, netoman se kagi tapay intawal-tawal din, te eked kebàti se otaw insalig te Timanem diyà kandin.

Juan 13:18

Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.

Ininang 1:25

somelilin ki Judas aw meinang sogounun megtelaban kenami, se terbaho tinenanan i Judas pesalo doton te temanan din.”

2 Tesalonika 2:3

Pengkey eden se ikegiyen dan iling kenyan, peg-ahà kaw amon eked kaw keekali, so eked dateng se aldaw sìyan singed aw metoman se peg-eked te keditaan te otaw te Timanem, aw ipekità se Olo te Medaet, sìyan ipelumun doton te kilot te wedad temanan.

Menge Hebreo 2:13

Minikagi heman sikandin, “Somalig a heman diyà te Timanem.” Minikagi heman, “Seini a sipat menge batà te Timanem insalig din kanak.”

Juan 17:6

“Migpetaga-taga a kamno diyà te kedita te otaw seini insalig no kanak dini te keneyonan. Pinemallì no dan, aw imbegay no dan kanak, aw timolò dan te impunù no kandan.

Filipos 2:9

Yan se doun te ontò sikandin impelangkaw te Timanem, Aw ininang din sikandin Pengolo te kedita pengkey kenan,

Impekità 19:12

Iling te apoy se mata din. Medita se korona insangkob kidoen te olo din. Doen ngadan insolat kandin, meneng olò sikandin se netaga-taga te kedegdagan niyan.