Juan 16:7 - Manobo Sarangani

⁷ Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 16:7 ပူးပေါင်းရင်းမြစ်များ

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Luc. 4:25

Seini se kebenalan ipeaneng-aneng ko kenyo. Gebii dalem te pegkeliwat i Elias te kagi te Timanem, wedad palos odan taman te telo se omay aw enem se bolan, aw doen heman ontò medaet bayil dini te kedita te ogpeanan te kemonaan tadon. Pengkey medita se bayi balo nelimahan dini te Judiya,

Luc. 9:27

Eneng-enengi niyo se kagi ko seini. Doen otaw dini kenyo eked kematay singed aw onà dan komità te peglowan te Timanem.”

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 14:3

Aw mepenga se pegpetagad ko te ogpaan niyo, lomikò a dini aw ipetaking ko sikiyo amon meg-ogpà kaw doma ko.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Juan 16:8

Aw domateng sikandin, ipetaga-taga din diyà te kedita te otaw tepad te salà, aw tepad te metòlid inang, aw tepad te pelumun.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Ininang 10:34

Nayan, migtebò si Pedro migtoladà kandan, kagi din, “Ontò ko netegahan te kenà olò Judiyo se otaw egkeidowan te Timanem.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Roma 8:28

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.