Juan 16:5 - Manobo Sarangani

⁵ Meneng agpet a den molì doton te Amay ko simogò kanak. Nepela a kenyo so pengkey mesayo a den, wedà kaw peg-insà tepad te pegkesayo ko.

Juan 16:5 ပူးပေါင်းရင်းမြစ်များ

Juan 13:36

Mig-insà si Pedro, “Pengolo, kenan ka lay doton?” Timaba si Jesus, “Eked ka pa pekedoma kanak doton te dotonan ko. Meneng tomelokon ka kanak te modi aldaw.”

Juan 7:33

Minikagi si Jesus diyà te otaw netipon, “Te eked kenamay, mesayo a lekat dini, so molì a doton te simogò kanak.

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 16:10

Ipetaga-taga din tepad te metòlid inang, so molì a doton te Amay ko, aw eked a niyo den kitai.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Juan 16:16

“Te eked kenamay, eked a niyo den kitai. Penga niyan te eked kenamay, todà a niyo kitaen.”

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 6:62

Labi pa besi se kebensi niyo aw kitaen a niyo Timanem Migpekeotaw aw megpeengat a doton te langit eg-ogpaan ko kedengan.

Juan 17:13

Nayan, agpet a den molì doton kamno. Dalem te dini a pa te keneyonan, minikagi a kani amon ontò dan meluba iling te keluba ko.

Juan 16:17

Pegdineg te menge tinoledaan din kenyan, migpeinsaay dan, “Nengà lay sikandin minikagi te eked kenamay, eked kidon den kità kandin, aw penga niyan te eked kenamay, todà kidon komità kandin? Nengà lay heman sikandin minikagi te yan se meinang so molì doton te Amay din?”