Juan 16:27 - Manobo Sarangani

²⁷ so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

Juan 16:27 ပူးပေါင်းရင်းမြစ်များ

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

Juan 14:21

“Se otaw menenalan te impunù ko aw tomolò kenyan, yan se otaw ontò dakel se pedowan din kanak. Se otaw dakel se pedowan din kanak, yan se egkedekelan te Amay ko te pedowan, aw dakel heman se pedowan ko kandin, aw megpekità a heman kandin.”

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Juan 16:30

Netegahan day den te netaga-taga ka te kedita, aw wedad keilangan te meg-insà kay kamno. Yan se doun te nemenal kay den te insogò ka te Timanem.”

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 3:13

Wedad palos otaw nenayit doton te langit, meneng olò siak Timanem Migpekeotaw se timenà lekat te langit.

Juan 7:29

Netaga-taga a kandin so dimini a lekat kandin, aw sikandin se simogò kanak.”

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Roma 8:3

So medaet se pedowan tadon, eked kidon peketolò te menge punù ingkeliwat i Moises. Meneng tinebangan kidon te Timanem, so insogò din se Batà din dini te tanà. Migpekeotaw sikandin amon ipelumun tandà te salà tadon. Pineokit te pegkematay din, wedad den eneg te salà, aw eked kidon den keleges tomaking te medaet ibeg te pedowan tadon.

1 Korinto 15:47

Se Tagnà Adam, yan se lekat te tanà, so ininang te Timanem se lawa din lekat te tanà. Meneng se Ikedowa Adam si Cristo, yan se lekat te langit.

1 Korinto 16:22

Pengkey sinu se wedad pedowan diyà te Pengolo tadon, ipelumun dan. Lomikò se Pengolo tadon te eked kenamay.

2 Korinto 5:14

Tandà te kedakel te pedowan i Cristo kanak, neantag heman se pedowan ko. Netegahan ko den ini, te pegkematay i Cristo, iling te nematay se kedita te otaw, so nematay sikandin inselilin te kedita te otaw, amon eked kidon taking te kenitadon ibeg. Nematay amon tekingan tadon se kandin ibeg, so nematay aw neantay heman sikandin amon megtabang kenitadon.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Efeso 6:24

Ibeg ko tebangan te Timanem se kedita te otaw dakel se pedowan dan diyà te Pengolo tadon si Jesu Cristo te wedad temanan.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

Menge Hebreo 12:6

so egtoledaan te Pengolo se kedita te otaw nedekelan din te pedowan, aw ipegpelumun din se kedita te otaw ininang din batà din aw meg-inang dan te medaet.”

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

1 Juan 4:19

Doen dakel pedowan tadon so monà kidon nedekelan te Timanem te pedowan.

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.

Impekità 3:9

Nayan, se menge otaw migpesakop diyà ki Satanas, eden dan aw ontò dan Judiyo, so migpelingo-lingo dan olò te egtaking dan kanak. Ipesagman ko dan diyà kenyo amon ketegahan dan te sikiyo se ontò ko egkedekelan te pedowan.