Juan 16:20 - Manobo Sarangani

²⁰ Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.

Juan 16:20 ပူးပေါင်းရင်းမြစ်များ

Mat. 21:38

Meneng pegdateng te batà din doton, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’

Mat. 5:4

“Doen keluba te kedita te otaw nelidò se pedowan dan, so sinelayen dan te Timanem.

Mar. 14:72

Pegketà, migkolaak se manok te ikedowa. Yan neeneng-enengan i Pedro se tapay inikagi i Jesus te ibolon din sikandin te meketelo te eked pa pegkolaak se manok te mekedowa. Penga niyan, ontò sikandin migkelag.

Mar. 16:10

Dimoton sikandin te menge tinoledaan i Jesus. Gayed dan nepuluk aw migkelag dan. Meneng mig-indan si Maria diyà kandan aw eden se kinità din.

Luc. 22:45

Penga te pegtawal-tawal din, dimoton sikandin te menge tinoledaan din, aw timedogi den dan, so migkelomay dan tandà te lidò dan.

Luc. 22:62

Penga niyan, nesayo si Pedro aw ontò migkelag.

Luc. 23:27

Ontò medita se otaw timaking ki Jesus, aw medita heman se bayi ontò migkelag tandà te lano dan kandin.

Luc. 24:17

Peg-ipanaw dan, minikagi si Jesus, “Eden lay se egbelaw-belewayen niyo gina?” Simagked se didowa dan aw ontò nelidò se pedowan dan.

Luc. 24:21

Tapay kay migpeliman te sikandin se megpelowà te menge bowad-bowad i Israel. Meneng inimetayan dan sikandin te netelowan pa.

Luc. 6:21

“Doen keluba te kedita niyo binallos seini, so mebesog kaw. “Doen keluba te kedita niyo nelidò seini, so sinelayen kaw te Timanem.

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Juan 16:6

Meneng nelidò beling se pedowan niyo so migtoladà a kenyo aw eden se domateng kwani diyà kenyo.

Juan 20:20

Penga niyan, impekità din diyà kandan se menge palì diyà te belad din aw kilid din. Ontò neluba se menge tinoledaan din te pegkità dan te Pengolo.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Roma 5:11

Pengkey meluba kidon so impelowà kidon lekat te pelumun, meneng doen heman keluba te pedowan tadon diyà te Timanem pineokit te Pengolo tadon si Jesu Cristo, so pineokit te ininang din, migsebad kidon den diyà te Timanem.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Judas 1:24

Nayan, iduyun se Timanem. Mekebatog sikandin meg-ipat kenyo amon eked kaw peg-inang te salà. Ibingen kaw din doton te ogpeanan din te wedad palos kolang niyo, aw yan ontò kaw meluba.

Impekità 11:10

Ontò meluba se kedita te otaw te keneyonan tandà te pegkematay te didowa dan. Yan se doun te megpista dan, aw megpebegayay dan heman te bowang, so nematay den se didowa telekeliwat, sìyan tapay nemegay kandan te lidò te pedowan dan.

Impekità 18:7

So migpelangkaw-langkaw sikandin aw tinoman din se medaet ibeg din, yan heman se kebegat te pelumun domateng kandin, so elegen sikandin aw melano. Mig-aneng-aneng sikandin te iling sikandin te selotan, kenà iling te balo. Eden din aw eked palos sikandin kelano.