Juan 16:19 - Manobo Sarangani

¹⁹ Netaga-taga si Jesus te doen insaen dan peden kandin, aw yan minikagi sikandin, “Migpeinsaay kaw den tepad te kedegdagan te inikagi ko gina, te eked kenamay, eked a niyo den kitai, aw penga niyan te eked kenamay, todà a niyo kitaen.

Juan 16:19 ပူးပေါင်းရင်းမြစ်များ

Juan 16:30

Netegahan day den te netaga-taga ka te kedita, aw wedad keilangan te meg-insà kay kamno. Yan se doun te nemenal kay den te insogò ka te Timanem.”

Juan 16:16

“Te eked kenamay, eked a niyo den kitai. Penga niyan te eked kenamay, todà a niyo kitaen.”

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 7:33

Minikagi si Jesus diyà te otaw netipon, “Te eked kenamay, mesayo a lekat dini, so molì a doton te simogò kanak.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Mat. 9:4

Meneng netegahan i Jesus aw eden se aneng-aneng dan, aw minikagi sikandin, “Nengà lay eg-aneng-aneng kaw te medaet?

Mat. 6:8

Ikà niyo eg-iling kandan, so tapay netaga-taga se Amay niyo Timanem aw eden se kelidoan niyo pengkey wedà kaw pa pemoyò diyà kandin.

Mar. 9:32

Meneng wedà dan ketegahi aw eden se kedegdagan te inikagi din sìyan, meneng wedad mig-insà kandin tepad kenyan, so neyàyà dan.

Juan 6:61

Netegahan i Jesus te doen menge tinoledaan din nebensi te intoladà din, aw minikagi sikandin, “Nepela a so nebensi kaw te inikagi ko seini.

Juan 16:18

Migpeinsaay dan heman, “Eden lay se kedegdagan te kagi din te eked kenamay? Wedà tadon ketegahi se kedegdagan niyan.”

Juan 16:23

Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 16:26

Aw domateng se aldaw sìyan, mepakay aw sikandin se pemoyoan niyo pineokit te ngadan ko. Yan se doun te wedà a ikagi te siak se memoyò kandin tepad kenyo,