Juan 16:17 - Manobo Sarangani

¹⁷ Pegdineg te menge tinoledaan din kenyan, migpeinsaay dan, “Nengà lay sikandin minikagi te eked kenamay, eked kidon den kità kandin, aw penga niyan te eked kenamay, todà kidon komità kandin? Nengà lay heman sikandin minikagi te yan se meinang so molì doton te Amay din?”

Juan 16:17 ပူးပေါင်းရင်းမြစ်များ

Juan 16:16

“Te eked kenamay, eked a niyo den kitai. Penga niyan te eked kenamay, todà a niyo kitaen.”

Juan 16:5

Meneng agpet a den molì doton te Amay ko simogò kanak. Nepela a kenyo so pengkey mesayo a den, wedà kaw peg-insà tepad te pegkesayo ko.

Mar. 9:32

Meneng wedà dan ketegahi aw eden se kedegdagan te inikagi din sìyan, meneng wedad mig-insà kandin tepad kenyan, so neyàyà dan.

Juan 16:19

Netaga-taga si Jesus te doen insaen dan peden kandin, aw yan minikagi sikandin, “Migpeinsaay kaw den tepad te kedegdagan te inikagi ko gina, te eked kenamay, eked a niyo den kitai, aw penga niyan te eked kenamay, todà a niyo kitaen.

Juan 14:5

Minikagi si Tomas, “Pengolo, wedà day ketegahi se dotonan nikaw. Yan eked day heman ketegahi se dalan.”

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Luc. 18:34

Meneng wedà pekelabet se tinoledaan din te sìyan inikagi i Jesus. Wedà petega-tegahi se kedegdagan niyan diyà kandan, aw yan se doun te wedà dan pekelabet.

Mar. 9:10

Timolò dan te punù din sìyan. Meneng gayed dan migpeinsaay aw eden se kedegdagan te inikagi din tepad te pegkeantay din lekat te nematay.

Juan 16:1

“Migtoladà a kenyo te kedita nini amon eked kealin se pegsalig niyo kanak.

Juan 14:22

Minikagi si Judas, sìyan kesangay i Judas Iscariote, kagi din, “Pengolo, menonen no se pegpekità no kenami, meneng eked ka pegpekità te menge doma otaw?”

Luc. 9:45

Meneng wedà dan ketegahi aw eden se kedegdagan te inikagi din sìyan, so wedà iyan keinang mebangal amon eked dan iyan kelebeti. Meneng wedad otaw mig-insà kandin tepad kenyan, so neyàyà dan.

Juan 16:18

Migpeinsaay dan heman, “Eden lay se kedegdagan te kagi din te eked kenamay? Wedà tadon ketegahi se kedegdagan niyan.”