Juan 16:16 - Manobo Sarangani

¹⁶ “Te eked kenamay, eked a niyo den kitai. Penga niyan te eked kenamay, todà a niyo kitaen.”

Juan 16:16 ပူးပေါင်းရင်းမြစ်များ

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Juan 12:35

Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 16:10

Ipetaga-taga din tepad te metòlid inang, so molì a doton te Amay ko, aw eked a niyo den kitai.

Juan 16:22

Iling kaw heman kenyan, so pengkey melidò kaw den, meneng todà kaw komità kanak. Todà heman meluba se pedowan niyo, aw wedad otaw mekeabat te keluba kidoen kenyo.

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 16:5

Meneng agpet a den molì doton te Amay ko simogò kanak. Nepela a kenyo so pengkey mesayo a den, wedà kaw peg-insà tepad te pegkesayo ko.

Juan 17:13

Nayan, agpet a den molì doton kamno. Dalem te dini a pa te keneyonan, minikagi a kani amon ontò dan meluba iling te keluba ko.

Juan 17:5

Nayan Amà, pekitai heman kidoen te langit te melangkaw a, iling te kelangkaw ko gebii te pegdoma ko kamno te wedà pa inangi se keneyonan.

Juan 7:33

Minikagi si Jesus diyà te otaw netipon, “Te eked kenamay, mesayo a lekat dini, so molì a doton te simogò kanak.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.