Juan 16:15 - Manobo Sarangani

¹⁵ So insalig te Amay ko se kedita diyà kanak, yan minikagi a te lekat kanak se kagi itoladà din kenyo.”

Juan 16:15 ပူးပေါင်းရင်းမြစ်များ

Juan 17:10

Se kedita te sakop ko, yan se sakop no heman. Se kedita dan diyà kamno, diyà dan heman kanak, aw impekità te melangkaw a pineokit kandan.

Juan 3:35

Ontò dakel se pedowan te Timanem Amay diyà te Batà din, aw insalig din diyà kandin se peglowan diyà te kedita.

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Kolasas 1:19

so lekat te ibeg te Timanem, ontò kitaen se ketanem te Timanem diyà ki Cristo.

Luc. 10:22

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.”

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Kolasas 2:9

Pegpekeotaw i Cristo, ontò kinità se ketanem te Timanem diyà kandin.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Kolasas 2:3

Si Cristo se kelekatan te kedakel te kebiyasa tepad te Timanem.

Juan 14:21

“Se otaw menenalan te impunù ko aw tomolò kenyan, yan se otaw ontò dakel se pedowan din kanak. Se otaw dakel se pedowan din kanak, yan se egkedekelan te Amay ko te pedowan, aw dakel heman se pedowan ko kandin, aw megpekità a heman kandin.”