Juan 16:11 - Manobo Sarangani

¹¹ Ipetaga-taga din heman te metoman dan ipelumun te Timanem, so dinaeg se pengolo te medaet dini te keneyonan.

Juan 16:11 ပူးပေါင်းရင်းမြစ်များ

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Kolasas 2:15

Dinaeg te Timanem se kedita te metolos aw eglowan, aw impetaga-taga din te kedita tadon te nenalo den sikandin diyà te kedita dan pineokit te pegkematay i Jesus doton te kros.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.

Menge Hebreo 9:27

Keilangan mekesebad se pegkematay te kedita te otaw, aw penga niyan okomen kidon te Timanem.

Menge Hebreo 6:2

Ikà niyo eg-anggà-anggà te pegsoblod niyo te kebenalan tepad te pegpebonyag tadon, aw tepad te pegkinawà tadon te Espiritu Santo, aw tepad te peg-antay te Timanem kenitadon lekat te nematay te modi aldaw, aw tepad te peg-okom din aw eden se detengan te otaw te wedad temanan.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

Ininang 10:42

Insogò kay din amon megtoladà kay te Mèpiya Indan tepad kandin diyà te menge otaw, aw amon meg-indan kay te benal si Jesus se pinemallì te Timanem meg-okom te kedita te otaw, pengkey nematay aw wedà pa kematay.

Luc. 10:18

Minikagi si Jesus, “Dimaeg kaw kandan so kinità ko se pegkedagdag i Satanas lekat te langit iling te kilem.

Mat. 12:36

“Penenalan kaw te kagi ko kenyo seini. Aw domateng se aldaw te peg-okom te Timanem te otaw, ipelumun din se kedita te otaw minikagi te kagi wedad kekemowan.

Mat. 12:18

“Seini se pinemallì ko isogò doton kenyo, sìyan nedekelan ko te pedowan aw nelubahan ko. Ibegay ko se Espiritu Santo meg-ogpà diyà kandin. Megpetaga-taga sikandin te kedita te otaw pengkey kenà Judiyo te agpet a den meg-okom.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Roma 16:20

Timanem se egpemegay te kelinaw te pedowan, aw sikandin se mekedaeg ki Satanas te eked kenamay amon wedad mebatog din inangen diyà kenyo. Ibeg ko, tebangan kaw te Pengolo tadon si Jesu Cristo.

Roma 2:16

Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 24:25

Migtoladà heman si Pablo te keilangan metòlid se eg-inangen te otaw, aw megtameng te ibeg te pedowan, aw doen kwani aldaw meg-okom se Timanem te kedita te otaw. Pegtoladà i Pablo kenyan, ontò nelemitan si Felis aw minikagi, “Botongi den se pegtoladà nikaw. Aw doen aldaw, todà ta engayen.”

Juan 16:12

“Doen pa medita kebenalan ibeg ko itoladà kenyo, meneng eked kaw pa pekelabet kenyan.