Juan 15:7 - Manobo Sarangani

⁷ Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Juan 15:7 ပူးပေါင်းရင်းမြစ်များ

Mat. 7:7

“Aw memoyò kaw diyà te Timanem, begayan kaw din. Aw mengemahà kaw, doen kitaen niyo. Aw tomawal kaw doton te lelebangan, ipeawop kaw.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 16:23

Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 8:31

Minikagi si Jesus diyà te menge Judiyo nemenal kandin, “Aw ebey kaw tomolò te itoladà ko, meinang kaw ontò tinoledaan ko.

Juan 8:37

Netegahan ko te bowad-bowad kaw i Abraham. Meneng ibeg niyo mengimatay kanak, so wedà niyo soli se kebenalan ipegtoladà ko diyà te pedowan niyo.

Galasya 4:2

Iling te allang se batà sìyan, so dalem te deitek pa sikandin, keilangan tomolò sikandin te otaw tapay pinemallì te amay din làno meg-ipat kandin aw megtonggò te kedònan aw tanà, lamig te aldaw tapay pinemallì te amay te pegbegay kenyan diyà kandin.

Galasya 5:16

Seini se punù ko kenyo. Toloi niyo se Espiritu Santo, amon eked niyo ketolò se medaet ibeg te pedowan niyo.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

1 Juan 2:14

Menge obanen, simolat a kenyo so ibeg ko megpeaneng-aneng a kenyo te egtaking kaw den te Timanem tapay doen gebii te wedad pa keneyonan. Menge kaling otaw, simolat a kenyo so ibeg ko megpeaneng-aneng a kenyo te measeb kaw den egtaking te Timanem, aw insawol niyo se kagi te Timanem diyà te pedowan niyo, aw dimaeg kaw den ki Satanas.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.

1 Juan 5:14

Egseligan tadon sikandin, so pengkey eden se pemoyoen tadon meketepad te kandin ibeg, yan menenalan sikandin.