Juan 15:25 - Manobo Sarangani

²⁵ Pineokit te pegkebensi dan, netoman den se kagi tapay insolat diyà te kagi te Timanem, ‘Wedad tindegan te kebensi dan kanak.’

Juan 15:25 ပူးပေါင်းရင်းမြစ်များ

Mat. 10:8

Pegolii niyo se otaw doen mesakit. Entayi niyo se otaw nematay. Pegolii niyo se otaw pigtompig. Pelowai niyo se bosaw lekat te otaw. Ikà niyo egpebayad te otaw tebangan niyo, so wedad imbayad niyo te tolos insalig ko diyà kenyo.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Juan 10:34

Minikagi si Jesus, “Netegahan niyo indà te doen kagi te Timanem insolat te tinawal din timanem se menge otaw.

Juan 13:18

Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Juan 19:36

Peg-inang te menge sondalo kenyan, netoman se pakang tapay insolat diyà te kagi te Timanem, “Wedad palos tòlan din pentigen.”

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Roma 3:24

Meneng pineokit te tabang te Timanem, inaneng-aneng din den te metòlid kidon. Yan se imbowang din kenitadon pineokit te pegpelowà i Jesu Cristo kenitadon lekat te salà.

2 Korinto 11:7

Pegtoladà ko kenyo te Mèpiya Indan lekat te Timanem, wedà ko sikiyo pebeyadi, so migtabang a kenyo te wedad togpò amon doen ontong niyo te toladà ko. Meneng yan besi se salà ko kenyo.

Galasya 2:21

Aw todà a tomolò te punù ingkeliwat i Moises, yan ketèyogan ko se tabang te Timanem, sìyan tapay ko kininawà, meneng eked a keibeg aw iling kenyan, so simpana meg-aneng-aneng se Timanem te metòlid se otaw pineokit te pegtolò dan te punù ingkeliwat i Moises, wedad den kekemowan te pegkematay i Cristo.

2 Tesalonika 3:8

Wedà kay pemoyò te kànen day diyà te menge doma otaw, meneng minayad kay te kedita te kelidoan day. Ontò kay migpekeaseb migterbaho pengkey aldaw aw delem amon eked kaw kelimahi te pegpenogpò niyo kenami.

Impekità 21:6

Minikagi heman sikandin, “Netoman den se kedita. Siaken se Alpa aw Omiga, so siaken se gayed doen lekat te keteboan lamig te temanan. Aw melao se otaw, ipeinem ko dan kidoen te selep doen wayeg egpemegay te pedowan wedad temanan, aw eked ko heman iyan pebeyadi.

Impekità 22:17

Egtawal se Espiritu Santo aw esawa te Karniro, kagi dan, “Ayas kaw diyà.” Aw kedita te otaw menenalan, keilangan tomawal dan heman diyà te doma otaw, “Ayas kaw heman diyà.” Pengkey sinu se otaw nelao meibeg minem, doen wayeg ibowang kandin mekebegay te kaling pedowan.