Juan 15:24 - Manobo Sarangani

²⁴ Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 15:24 ပူးပေါင်းရင်းမြစ်များ

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 21:32

Pegtoladà i Juan te keilangan megselsel kaw amon eneng-enengen te Timanem te metòlid kaw, wedà kaw pemenal kandin. Meneng medita se iskribinti aw kepoyun nemenal kandin. Pengkey kimità kaw kenyan, meneng wedà kaw pegselsel aw wedà kaw heman pemenal kandin.”

Mat. 9:33

Penga te pegpelowà i Jesus te bosaw lekat te otaw sìyan, nekeikagi den sikandin. Ontò nepela se kedita te otaw kimità kandin, aw minikagi dan, “Wedad palos kinità tadon iling kenyan dini kenitadon menge bowad-bowad i Israel.”

Mar. 2:12

Yan minenaw sikandin, aw inibing din se inibatan din, aw tinengtengan sikandin te menge otaw se minolì. Yan se doun te nepela se kedita dan, aw induyun dan se Timanem. Migpebelaw-belaway dan, “Wedad palos kinità tadon iling kenyan.”

Luc. 24:19

Minikagi sikandin, “Eden lay se neinang kidoen?” Minikagi dan, “Doen telekeliwat te kagi te Timanem ngadan din si Jesus tege Nasarit. Insogò sikandin te Timanem, aw ontò mèpiya se ininang din aw inikagi din kinità te kedita te otaw.

Juan 10:32

Meneng minikagi si Jesus, “Medita se mèpiya ininang ko aw kinità niyo, so insogò a te Amay ko Timanem. Eden lay se ininang ko te imetayan a niyo?”

Juan 10:37

Simpana kenà insogò te Timanem se kepelahan eg-inangen ko, ikà niyo egpemenal kanak.

Juan 12:10

Yan se doun te miglalang se menge pengolo te simbahan te imetayan dan heman si Lazaro,

Juan 12:45

Se otaw kimità kanak, yan se kimità heman te Amay ko simogò kanak.

Juan 14:9

Minikagi si Jesus, “Felipe, ontò den nenamay se pegdoma ko kamno. Yan nepela a so wedà ka pa ketaga-taga aw sinu a. Se kedita te otaw kimità kanak, kimità den dan heman te Amay ko. Nepela a te meibeg ka ipekità ko kenyo se Amay ko.

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Juan 15:22

Simpana wedà a dini amon megtoladà a kandan, yan eked heman petega-tegahi se salà dan seini. Meneng so dimini a, eked den dan pekeikagi te wedad salà dan.

Juan 15:23

Aw mebensi se otaw kanak, mebensi dan heman te Amay ko.

Juan 16:9

Ipetaga-taga din kandan te doen salà dan, so wedà dan pemenal kanak.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 6:36

Meneng tapay ko inikagi kenyo, te pengkey kinità a niyo, meneng wedà kaw pa pemenal kanak.

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 9:32

Lekat te ketebò te keneyonan lamig seini, wedad palos otaw netegahan tadon nekebatog migpegolì te mata te otaw bota lekat te pegtebaw din.

Juan 9:41

Timaba si Jesus, “Aw iling kaw te otaw bota so wedà kaw kità te kebenalan, mepakay aw megselsel kaw amon pegwedaden te Timanem se salà niyo. Meneng so migpelingo-lingo kaw te ontò kaw kimità te kebenalan, yan doen pa salà niyo.”

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Roma 1:30

aw egbaet-baet dan, aw medaet se pedowan dan diyà te Timanem. Mebolot dan, aw egpelangkaw-langkaw dan, aw egduyun dan te kandan pegkeotawun. Gayed dan eglalang te medaet inangen. Kenà dan egtolò te amay aw inay.

2 Timoteo 3:4

Megtolok dan te menge doma dan, mebolot dan, aw megpelangkaw-langkaw dan. Eked dan taking te Timanem, meneng kandan beling keluba se pemehaen dan.

Santiago 4:4

Timanan kaw den te Timanem, iling te otaw timanan te esawa din aw limakad. Nelibelan niyo den besi se kebenalan seini. Se otaw egtaking te medaet ibeg te otaw dini te keneyonan, yan se otaw timinàyog te Timanem. Pengkey sinu otawi se tomaking te medaet ibeg te otaw dini te keneyonan, yan se otaw meinang poon te Timanem.