Juan 15:21 - Manobo Sarangani

²¹ Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

Juan 15:21 ပူးပေါင်းရင်းမြစ်များ

Mat. 10:18

Dekepen kaw aw okomen kaw te menge gobirnador aw menge selotan tandà te pegpesakop niyo diyà kanak, amon meg-indan kaw te kebenalan tepad kanak diyà kandan aw diyà te menge doma otaw kenà Judiyo.

Mat. 10:22

Kebensihan kaw te keditaan te otaw tandà te pegpesakop niyo diyà kanak. Meneng aw tomayod kaw te kedita te kelimahan, ipelowà kaw.

Mat. 10:39

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak, begayan sikandin te kaling pedowan wedad temanan.”

Mat. 24:9

“Yan kebensihan kaw te keditaan te otaw tandà te pegpesakop niyo diyà kanak, aw dekepen kaw dan amon ipeeleg kaw aw imetayan kaw dan.

Mat. 5:11

“Doen keluba te kedita niyo egtompuyusen tandà te pegtaking niyo kanak, pengkey egpemilangen kaw, pengkey bàtan-bàtan kaw.

Mar. 13:13

Kebensihan kaw te keditaan te otaw tandà te pegpesakop niyo diyà kanak. Meneng aw tomayod kaw te kedita te kelimahan, ipelowà kaw.”

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Luc. 21:17

Kebensihan kaw te keditaan te otaw tandà te pegpesakop niyo diyà kanak.

Luc. 6:22

“Doen keluba te kedita niyo kebensihan te doma otaw, aw pemilangen, aw tompuyusen, aw tindàten tandà te pegtaking niyo kanak Timanem Migpekeotaw,

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 16:3

Meneng memilang dan kenyo so wedà dan ketaga-taga te Amay ko, aw wedà dan heman ketaga-taga kanak.

Juan 17:25

E Amà, metòlid se kedita te eg-inangen nikaw. Se otaw egtaking te medaet dini te keneyonan, wedà dan ketegahi aw sinu ka, meneng netaga-taga a kamno, aw netegahan heman te menge sakop ta seini te insogò a nikaw.

Juan 8:19

Migtompuyus se menge Parisiyo kandin aw minikagi dan, “Kenan lay se amay nikaw?” Timaba si Jesus, “Wedà niyo ketegahi aw sinu a. Wedà niyo heman ketegahi aw sinu se Amay ko. Aw netegahan niyo aw sinu a, netegahan niyo heman aw sinu se Amay ko.”

Juan 8:54

Timaba si Jesus, “Simpana megpelangkaw-langkaw a, wedad ontong ko. Meneng ipegpelangkaw a te Amay ko, aw eg-ikagi kaw te sikandin se Timanem egsimbahen niyo.

Juan 8:55

Meneng wedà kaw ketaga-taga kandin. Netaga-taga a kandin, aw simpana mikagi a te wedà a ketaga-taga kandin, bolelawun a heman iling kenyo. Meneng seini se kebenalan, te netaga-taga a kandin, aw egtoloen ko se menge punù din.

Ininang 17:23

so peglegeb ko dini te Atenas, kinità ko se medita dogsoanan niyo. Doen heman sebad sinolatan te kagi, ‘Dogsoanan te timanem wedà tadon ketegahi.’ Nayan, se Timanem egdogsoan niyo pengkey wedà niyo ketegahi, sikandin se itoladà ko den kenyo.

Ininang 26:9

“Pengkey siak, kedengan eden ko aw mèpiya se pegpemilang ko te menge otaw egpemenal ki Jesus tege Nasarit.

Ininang 3:17

“Menge kedowa ko, netegahan ko te impeimatay niyo si Jesus so wedà niyo ketegahi te sikandin se Misiyas. Wedà heman ketaga-taga se menge otaw limowan kenyo.

Ininang 4:17

Meneng mèpiya aw lemiten tadon dan amon eked dan ebey ikagi te ngadan te egtekingan dan sìyan, amon eked iyan ketegahi te menge otaw kidoen te doma lonsod.”

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Ininang 9:14

Dimini heman sikandin te Damasko nengibing te papil sinolatan te menge pengolo te simbahan te Jerusalem te mepakay sikandin mekedakep te kedita te otaw egtawal-tawal diyà kamno.”

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

1 Korinto 15:34

Peketòlid kaw. Lengai niyo den se peg-inang niyo te salà. Simolat a kani kenyo amon meyàyà kaw, so medita pa se otaw kidoen kenyo eg-inang te salà, aw wedà ketaga-taga te kebenalan tepad te inang te Timanem.

1 Korinto 2:8

Se menge otaw eglowan dini te keneyonan, wedà dan ketegahi se peglalang te Timanem, so simpana netegahan dan iyan, eked dan peden lensangi se Pengolo melangkaw doton te kros.

1 Juan 3:1

Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

3 Juan 1:7

Se menge otaw eglegeb amon megtoladà te doma otaw tepad ki Jesu Cristo, kenà dan egbegayan te tabang lekat te otaw kenà egpemenal.

Impekità 2:3

Netegahan ko heman te medalem pa se pedowan niyo dalem te pegtayod niyo te kelimahan, pengkey pinemilang kaw tandà te pegsalig niyo kanak. Wedà kaw heman lokas.