Juan 15:2 - Manobo Sarangani

² Aw doen metesan belagen kidoen kanak kenà egpongo, yan se tepoen din. Meneng se kedita te belagen egpongo kidoen kanak, yan se linisan din amon labi pa dakel se paras mongo kidoen kenyan.

Juan 15:2 ပူးပေါင်းရင်းမြစ်များ

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

Mat. 13:33

Migtoladà si Jesus te doma tegdeyanan, kagi din, “Iling heman kani se peglowan te Timanem. Aw isanged se yist diyà te dakel arina, lomebag se kedakel niyan.”

Mat. 15:13

Minikagi si Jesus, “Pegbàtan dan te Amay ko eg-ogpà doton te langit, iling te sagbet pispisen doton te pawà.

Mat. 21:19

Kinità din se kayo igira medapag te dalan, aw dimoton sikandin amon mahà te pongo niyan. Meneng wedad palos pongo kinità din, olò menge dawen. Minikagi sikandin diyà te kayo, “Eked den palos pongo se kayo seini.” Wedà kenamay, nelanes se kayo sìyan.

Mat. 25:29

Se otaw egkeseligan, yan se begayan ko te labi pa dakel diyà te keilangan din. Meneng se otaw kenà egkeseligan, yan se ebatan ko te imbegay ko diyà kandin.

Mat. 3:10

Iling kaw te kayo agpet pilayen. Aw kenà mèpiya se pongo te kayo, pilayen iyan aw sonogen.

Mat. 3:12

Iling sikandin te otaw egpepalid te trigo eggiyeken din, amon isawol din te buun aw ibingen din doton te balay. Meneng se ohot aw tipig, yan se sonogen din te apoy kenà egkepadeng.”

Mat. 7:19

Aw kenà mèpiya se pongo te kayo, pilayen iyan aw sonogen.

Mar. 4:20

Meneng se benì nesabog diyà te melambò tanà, yan se iling te otaw domineg te kagi te Timanem, aw menenalan dan kenyan. Doen ontong dan iling te intanem mongo te ketlowan, aw keneman aw ginatos.”

Luc. 8:13

Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Juan 15:1

“Iling a te ontò pinonoan te belagen te paras, aw Amay ko se iling te otaw eg-ipat te paras.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 15:3

Lininisan kaw den pineokit te kebenalan intoladà ko kenyo.

Juan 15:6

Aw eked peg-ogpà se otaw diyà kanak, iagbel ko sikandin iling te menge belagen tepoen aw iagbel. Aw melangkay iyan, tiponen aw sonogen.

Juan 15:8

Iduyun se Amay ko pineokit te pegpemongo niyo te dakel, aw yan se kitaen te tinoledaan ko sikiyo.

Juan 17:12

Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

Roma 11:17

Ipolingun ko se menge Judiyo wedà pemenal iling te menge panga te kayo iningedanan olibo intanem te Timanem, so tinepò se menge panga niyan. Meneng sikiyo menge otaw kenà Judiyo nemenal, iling kaw te menge panga te kayo timobò doton te kebenesan. Meneng inabat kaw te Timanem lekat te kayo timobò doton te kebenesan aw insogpat kaw din doton te lawa te sìyan kayo intanem din amon tomilles kaw kidoen. Yan sinakop kaw den te Timanem diyà te menge otaw eg-ipaten din iling te menge Judiyo inipat din gebii.

Roma 11:22

Pineokit kenyan, netegahan tadon den te doen otaw keidowan te Timanem, aw doen heman otaw ipelumun din. Ipelumun din se otaw nekesalà, meneng keidowan kaw din aw tomayod kaw tomaking kandin. Meneng aw lomengà kaw tomaking kandin, inangen kaw din heman iling te panga tinepò.

Roma 8:28

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

1 Korinto 13:1

Aw mekeikagi a te doma kagi te otaw wedà ko peg-ilingi, aw pengkey mekeikagi a te kagi te menge anghil, meneng aw wedad kedakel te pedowan ko diyà te doma otaw, wedad ontong te peg-ikagi ko, so iling a te daging te agong selegsagen aw mekebebingel.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Menge Hebreo 12:15

Peg-ahà kaw amon wedad otaw doton kenyo komulu te tabang te Timanem. Aw komulu se otaw te tabang te Timanem, iling sikandin te sagbet mekeilo, so mekesamok sikandin te doma otaw egpemenal, aw meboyo dan meg-inang heman te salà.

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.