Juan 15:12 - Manobo Sarangani

¹² Seini se ipunù ko kenyo. Keilangan megpedekelay kaw te pedowan iling te kedakel te pedowan ko kenyo.

Juan 15:12 ပူးပေါင်းရင်းမြစ်များ

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

Juan 15:17

Seini se impunù ko kenyo. Keilangan megpedekelay kaw te pedowan.”

Roma 12:10

Tandà te pegpesakop niyo diyà ki Cristo, neinang kaw den iling te telekedowa, aw yan keilangan megpedekelay kaw te pedowan. Keilangan meagka se pedowan te kedita niyo te pegpesegmanay.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

1 Tesalonika 3:12

Egpemoyò kay heman te labi pa megkedakel se pedowan niyo te menge doma otaw egpemenal aw kedita te otaw, iling te kedakel te pedowan day kenyo.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

2 Tesalonika 1:3

Menge kedowa day, mèpiya aw megpesiontong kay diyà te Timanem tepad kenyo. Mèpiya se pegpesiontong day, so ontò den magsen se pegpemenal niyo kandin, aw ontò kaw den heman egpedekelay te pedowan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

1 Juan 4:21

Seini se impunù te Timanem kenitadon. Se otaw dakel se pedowan din te Timanem, yan se otaw keilangan dakel heman se pedowan din te menge doma din.

2 Juan 1:5

Simolat a den kamno bayi amon ipeaneng-aneng ko kamno te keilangan megpedekelay kidon te pedowan. Kenà kaling se punù insolat ko kenyo seini, so tapay niyo iyan netegahan lekat te ketebò te pegpemenal niyo ki Cristo kedengan.