Juan 15:11 - Manobo Sarangani

¹¹ “Seini se intoladà ko kenyo amon makop kaw heman diyà te keluba ko, so ibeg ko ontò kaw meluba.

Juan 15:11 ပူးပေါင်းရင်းမြစ်များ

Luc. 15:23

Engayi niyo se nati te baka melambò amon iyawen, so meg-inang kidon te dakel kànen tandà te luba tadon.

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

Luc. 15:5

Pegkità din, ontò sikandin meluba aw ibingen din molì.

Luc. 15:9

Aw kitaen din iyan, tewalen din se menge sigalak din aw menge simbalay, kagi din, ‘Keilangan meluba kaw heman, so kinità ko den se kwarta netalon.’

Juan 16:24

Lamig seini, wedà kaw pa pemoyò kandin pineokit te ngadan ko. Meneng lekat seini, pemoyò kaw kandin pineokit te ngadan ko, aw metoman kaw kominawà amon ontò kaw meluba.”

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Juan 17:13

Nayan, agpet a den molì doton kamno. Dalem te dini a pa te keneyonan, minikagi a kani amon ontò dan meluba iling te keluba ko.

Juan 3:29

Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

Roma 15:13

Timanem se eglekatan te kedita te egpelimanan tadon. Ibeg ko, begayan kaw din te ontò keluba aw kelinaw te pedowan niyo tandà te pegsalig niyo ki Cristo, amon melobos se pegpeliman niyo pineokit te tabang te Espiritu Santo kenyo.

2 Korinto 1:24

Kenà ko se egsogò kenyo tepad te pegpemenal, so nelobos den se pegpemenal niyo. Meneng egtelaban a kenyo tepad te pegpemenal amon meluba kaw.

Efeso 5:18

Ikà niyo eglasing, so mekedaet iyan kenyo. Meneng keilangan beyà-beyaan kaw te Espiritu Santo.

Filipos 1:25

So netegahan ko iyan, aneng-aneng ko eked a pa kematay, meneng meg-ogpà a pa doma niyo dini te tanà amon ketebangan ko se pegtaking niyo ki Cristo, aw amon ontò kaw meluba tandà te pegpemenal niyo kandin.

1 Tesalonika 5:16

Keilangan gayed meluba se pedowan niyo.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

1 Juan 1:4

Simolat kay heman kenyo amon mesikop se keluba tadon.

2 Juan 1:12

Doen pa medita kagi isolat ko peden kenyo, meneng eked a den solat, so ibeg ko meglegeana a kidoen kenyo amon megpebelaw-belaway kidon, so ibeg ko mesikop se keluba tadon.