Juan 14:6 - Manobo Sarangani

⁶ Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 14:6 ပူးပေါင်းရင်းမြစ်များ

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Juan 1:4

Sikandin se eglekatan te pedowan te kedita, aw yan se lowa eg-anyag diyà te kengitngit kidoen te pedowan te kedita te otaw.

Juan 10:28

Egpemegay a kandan te kaling pedowan wedad temanan, aw eked dan detengi te kemetayun. Wedad palos mekeagaw kandan diyà kanak.

Juan 10:7

Yan minikagi heman si Jesus, “Eneng-enengi niyo se kagi ko kenyo. Iling a te lelebangan te kelokob te karniro.

Juan 10:9

Iling a te lelebangan. Aw mokit se otaw diyà kanak, mekelowà sikandin. Iling sikandin te karniro mepakay meglegeb doton te kelokob, aw doton heman te lowà, aw yan mekekaen.

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

Juan 15:1

“Iling a te ontò pinonoan te belagen te paras, aw Amay ko se iling te otaw eg-ipat te paras.

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

Juan 5:21

Eg-antay se Amay ko te otaw nematay, aw egpemegay kandan te kaling pedowan. Iling heman kenyan se inangen ko, so memegay a heman te kaling pedowan diyà te kedita te otaw pemellien ko.

Juan 6:33

Insogò dini lekat te langit se benal kànen ipegpemegay te Timanem, aw yan se mekebegay te kaling pedowan wedad temanan diyà te kedita te otaw.”

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Juan 6:57

Insogò a te Amay ko wedad temanan din, aw doen heman pedowan ko wedad temanan lekat kandin. Iling heman kenyan se otaw komaen kanak, so yan se otaw begayan te pedowan wedad temanan pineokit kanak.

Juan 6:68

Timaba si Simon, se doma ngadan din si Pedro, kagi din, “Pengolo, wedad palos doma tekingan day, so sebad no se egtoladà tepad te kaling pedowan wedad temanan.

Juan 8:32

Yan ketegahan niyo se kebenalan, aw pineokit te kebenalan, mekelowà kaw heman lekat te nekeallang kenyo.”

Juan 8:51

Eneng-enengi niyo se kagi ko kenyo. Eked detengi te kemetayun se kedita te otaw tomolò te ipegtoladà ko.”

Ininang 3:15

Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.

Ininang 4:12

Wedad doma mekepelowà kenitadon lekat te salà. Pengkey dini te kebelad te keneyonan, wedad doma insogò te Timanem dini te keneyonan amon megpelowà te otaw lekat te salà.”

Ininang 9:2

aw nemoyò te solat ibingen din doton te menge simbahan te Judiyo kidoen te Damasko amon mepakay din dekepen se menge otaw ketelaan din egtaking te Pengolo, pengkey meama aw bayi, aw ibingen din dan doton te Jerusalem amon kelebosowen.

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

Roma 5:2

Pineokit te pegpemenal tadon kandin, nekeakop kidon diyà te otaw egtebangan te Timanem. Neluba kidon den heman, so egpelimanan tadon se aldaw te meg-ogpà kidon doma te Timanem doton te langit.

Roma 5:21

Pengkey egkematay se kedita te otaw neallang te salà, meneng egtebangan te Timanem se kedita te otaw megpesakop diyà kandin, so eneng-enengen din te metòlid dan. Begayan din dan heman te kaling pedowan wedad temanan pineokit te ininang te Pengolo tadon si Jesu Cristo.

1 Korinto 15:45

Doen kagi te Timanem insolat, te peg-inang te Timanem te tagnà otaw si Adam, yan se binegayan din te pedowan. Meneng si Cristo ingedanan Temanan Adam, sikandin se egpemegay te kaling pedowan.

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Kolasas 2:17

Se kedita niyan, yan olò se egtengtengan tepad te egpelimanan, meneng si Jesu Cristo se ketomanan niyan.

Kolasas 2:9

Pegpekeotaw i Cristo, ontò kinità se ketanem te Timanem diyà kandin.

Kolasas 3:4

Si Cristo se nemegay kenyo te kaling pedowan wedad temanan. Aw lomikò sikandin, entayen kaw din aw megdoma kaw kandin te peglowan din.

Menge Hebreo 7:25

Yan se doun te gayed sikandin mekebatog megpelowà te kedita te otaw megpedapag diyà te Timanem pineokit kandin. So wedad temanan din, gayed sikandin egpemoyò diyà te Amay din te itabang din kandan.

Menge Hebreo 9:8

Pineokit kenyan, impetaga-taga te Espiritu Santo kenitadon te kedengan dalem te doen pa punù tepad te balay sìyan, eked kepakay aw mawop se pengkey sinu otawi te Ontò Tambì amon megpedapag diyà te Timanem.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

1 Pedro 2:4

Keilangan beyà-beyaan kaw i Cristo egpemegay te kaling pedowan wedad temanan. Iling sikandin te bato gemiten te peg-inang te balay. Pengkey mig-aneng-aneng se menge otaw te wedad keelagà din, meneng sikandin se pinemallì te Timanem aw meelagà diyà kandin.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 1:8

Aw mikagi kidon te wedad den palos salà tadon, neekalan kidon aw wedad heman kebenalan diyà kenitadon.

1 Juan 2:23

Aw eked pemenal se otaw te Batà te Timanem, eked heman sikandin pegpesakop diyà te Timanem Amay. Meneng aw mikagi se otaw te ontò sikandin nemenal te Batà te Timanem, migpesakop den heman sikandin diyà te Timanem Amay.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:6

Netegahan tadon te si Jesu Cristo se Batà te Timanem pineokit te wayeg te pegbonyag kandin, aw pineokit te dipanog te pegkematay din. Netegahan tadon iyan kenà olò pineokit te pegbonyag ki Jesus, meneng pineokit heman te pegkematay i Jesus kidoen te kros.

2 Juan 1:9

Aw somoway se otaw lekat te kebenalan intoladà i Jesu Cristo, aw isogpat din se kebolalaw diyà te kebenalan, wedad Timanem kidoen kandin. Meneng aw ontò egsalig se otaw diyà te kebenalan intoladà i Jesu Cristo, kidoen kandin se Timanem Amay aw Batà.

Impekità 19:11

Penga niyan, kinità ko se langit neowang, aw doen kodà mepotì. Se otaw simakay kenyan, yan se doen doma ngadan din si Keseligan, aw si Kebenalan. Metòlid se kedita te pegpelumun din aw peglompak din te poon din.

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Impekità 22:17

Egtawal se Espiritu Santo aw esawa te Karniro, kagi dan, “Ayas kaw diyà.” Aw kedita te otaw menenalan, keilangan tomawal dan heman diyà te doma otaw, “Ayas kaw heman diyà.” Pengkey sinu se otaw nelao meibeg minem, doen wayeg ibowang kandin mekebegay te kaling pedowan.

Impekità 3:14

Minikagi heman sikandin, “Solat ka heman te anghil egtonggò te menge sakop te simbahan kidoen te Layodisiya. Seini se kagi isolat nikaw. ‘Seini se kagi ko kenyo. Siak se ontò egkeseligan. Ontò benal se ipegtoladà ko. Siak se pengolo te kedita te ininang te Timanem.

Impekità 3:7

Minikagi heman sikandin, “Solat ka heman te anghil egtonggò te menge sakop te simbahan kidoen te Filadelfya. Seini se kagi isolat nikaw. ‘Seini se kagi ko kenyo. Siak se eg-inang te metòlid, aw egkeseligan a. Siak se lomowan iling te peglowan i David gebii. Aw owangen ko se okitanan amon mekeakop se otaw diyà te peglowan ko, wedad meketakep. Aw tekepen ko se okitan niyan, wedad mekeowang.