Juan 14:3 - Manobo Sarangani

³ Aw mepenga se pegpetagad ko te ogpaan niyo, lomikò a dini aw ipetaking ko sikiyo amon meg-ogpà kaw doma ko.

Juan 14:3 ပူးပေါင်းရင်းမြစ်များ

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 14:4

Netegahan niyo den heman se dalan pesalo doton te dotonan ko.”

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Ininang 1:11

Minikagi se anghil, “Sikiyo tege Galiliya, ikà niyo eglengag. Neengat den si Jesus doton te langit, meneng todà sikandin lomikò dini te tanà onawa te pegkeengat din kinità niyo seini.”

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Filipos 1:23

Ontò egdowa-dowa se aneng-aneng ko tepad kenyan. Doen ibeg te pedowan ko domoton a te langit, so labi pa mèpiya aw meg-ogpà a doton doma ki Cristo.

2 Tesalonika 1:12

Yan iduyun niyo se Pengolo tadon, aw iduyun kaw din heman. Metoman iyan pineokit te tabang te Timanem aw Pengolo tadon si Jesu Cristo.

2 Timoteo 2:12

Aw meketayod kidon te pegpemilang kenitadon, lomowan kidon heman doma din. Meneng aw mikagi kidon te kenà kidon sakop din, mikagi heman sikandin te kenà kidon sakop din.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.