Juan 14:26 - Manobo Sarangani

²⁶ Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 14:26 ပူးပေါင်းရင်းမြစ်များ

Mat. 1:18

Nayan, seini se indan-indan tepad te pegtebaw i Jesu Cristo. Si Maria se inay din, aw doen salà din si Jose. Te wedà dan pa peipiday, netegahan i Maria te miglaman sikandin pineokit te Espiritu Santo.

Mat. 1:20

Meneng dalem pa te peg-aneng-aneng din kenyan, doen anghil te Timanem migpekità diyà kandin pineokit te tegeinep, aw minikagi, “Jose, bowad-bowad i David, ikà eg-eked te peg-ipid no ki Maria, so miglaman sikandin pineokit te Espiritu Santo.

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Mar. 12:36

Meneng minikagi si David te Pengolo din se Misiyas. Pineokit te pegbayà-bayà te Espiritu Santo ki David, insolat din se kagi seini, ‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’

Mar. 13:11

Aw ibingen kaw doton te otaw meg-okom kenyo, ikà niyo egketetana aw eden se ikegiyen niyo kandan. Dalem te aldaw sìyan, begayan kaw te kebiyasa amon meketaba kaw kandan, so kenà lekat te kenyo kebiyasa se ikegiyen niyo, meneng lekat iyan te Espiritu Santo.

Luc. 1:15

so ipelangkaw sikandin te Pengolo. Eked palos inem te bino aw pengkey eden se mekelasing. Meneng gayed sikandin egbeyà-beyaan te Espiritu Santo lekat te pegtebaw din.

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Luc. 1:41

Pegdineg i Elisabet te tawal din, miniwal se batà kidoen te getek din, aw dimateng se Espiritu Santo diyà ki Elisabet.

Luc. 1:67

Nayan, dimateng se Espiritu Santo diyà ki Zacarias, aw ingkeliwat din se kagi te Timanem, kagi din,

Luc. 11:13

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te Espiritu Santo diyà te kedita te otaw memoyò diyà kandin.”

Luc. 2:25

Nayan, doen sebad tege Jerusalem si Simeon. Eg-inang sikandin te metòlid, aw egtolò heman te Timanem. Gayed sikandin egpeliman te megpelowà se Timanem te menge bowad-bowad i Israel. Eg-ogpaan sikandin te Espiritu Santo,

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Luc. 3:22

aw kinità dan se Espiritu Santo migpedanà diyà kandin iling te bawa te selepati. Dinineg dan heman se kagi te Timanem lekat te langit, “Sikona se Batà ko. Dakel se pedowan ko kamno, aw ontò a neluba kamno.”

Juan 1:33

Kedengan, wedà ko pa ketegahi aw sinu sikandin, meneng insogò a te Timanem amon memonyag a pineokit te wayeg, aw inindanan a din te komità a te Espiritu Santo megpedanà kidoen te otaw aw meg-ogpà kandin. Sebad heman kemolò se pegbonyag din, so sikandin se memonyag pineokit te Espiritu Santo.

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Juan 14:16

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan.

Juan 14:25

“Migtoladà a kani kenyo dalem te dini a pa kenyo.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 2:22

Meneng penga te pegkeantay i Jesus lekat te nematay, neeneng-enengan te tinoledaan din se inikagi din sìyan, aw nemenal dan te netoman se kagi te Timanem tapay insolat te meantay sikandin lekat te nematay, aw benal heman se inikagi i Jesus.

Juan 20:22

Penga te peg-ikagi din kenyan, mig-edop sikandin diyà kandan aw minikagi, “Domateng se Espiritu Santo kenyo.

Juan 6:45

Doen insolat te telekeliwat te kagi te Timanem, kagi din, ‘Toledaan te Timanem se kedita te otaw.’ Se kedita te otaw menenalan aw tomolò te itoladà te Amay ko, yan se tomaking kanak.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Ininang 1:4

Pegdoma i Jesus kandan, migpunù sikandin te eked dan pa kesayo lekat te Jerusalem, so minikagi sikandin, “Keilangan megtagad kaw te pegketoman te impakang te Timanem, so yan se tapay ko intoladà kenyo.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Ininang 11:16

Yan neeneng-enengan ko se kagi te Pengolo, ‘Kedengan pineokit te wayeg se pegbonyag i Juan. Meneng sebad kemolò se pegbonyag te Timanem kenyo, so te eked kenamay, domateng se Espiritu Santo kenyo.’

Ininang 13:2

Doen aldaw migpowasa se otaw egpemenal kidoen te Antyokya, aw megsimba dan te Pengolo. Dalem niyan, minikagi se Espiritu Santo diyà kandan, “Teniyi niyo kanak si Bernabe aw si Saulo, so doen ipeinang ko kandan.”

Ininang 13:4

Insogò se didowa dan te Espiritu Santo aw yan timegbeng dan pesalo doton te Silusya, aw simakay dan te dakel belangay pesalo doton te polò iningedanan Sipro.

Ininang 15:28

Inelladan kay te Espiritu Santo, aw yan migsebad kay te eked kay pegleges te pegtolò niyo te kedita te ketanem day, meneng seini olò se ipunù day kenyo.

Ininang 15:8

Netegahan te Timanem aw melobos se pedowan te kedita te otaw. Impetaga-taga din te sinakop din den se menge otaw kenà Judiyo pineokit te pegpemegay din te Espiritu Santo diyà kandan onawa te pegpemegay din diyà kenitadon kedengan.

Ininang 16:6

Migtoladà dan te kagi te Timanem doton te menge lonsod kidoen te Frigya aw Galasya, so sinagda dan te Espiritu Santo te eked dan pegtoladà doton te Asya.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ininang 20:35

Yan se ininang ko amon ketegahan niyo te mèpiya aw measeb kidon megterbaho, amon meketabang kidon te menge doma otaw nelimahan. Ikà niyo egkelibel te inikagi te Pengolo si Jesus, ‘Pengkey meluba se otaw tebangan te doma, meneng labi pa meluba se otaw egpenabang te doma.’”

Ininang 28:25

Wedà dan peg-onawa. Nesayo dan penga te peg-ikagi i Pablo kani, “Benal se kagi impekeliwat te Espiritu Santo ki Isaias, so minikagi sikandin tepad te menge kemonaan tadon,

Ininang 5:3

Nayan, minikagi si Pedro, “Pigbayà-bayà ka i Satanas. Ibeg no peden megkebolalaw ka diyà te Espiritu Santo. Kenà nini se kedakel te keelagà te tanà imbeligyà nikaw.

Ininang 7:51

“Ontò kaw metugul, so kenà kaw egtolò te Timanem. Eked kaw penenalan te kebenalan. Iling kaw te kemonaan tadon, so gayed kaw eg-eked te Espiritu Santo.

Ininang 7:55

Meneng gayed egbeyà-beyaan te Espiritu Santo si Esteban. Peglengag din doton te langit, kinità din se kelangkaw te Timanem aw si Jesus timangkil kandin.

Roma 14:17

Diyà kenitadon migpesakop diyà te peglowan te Timanem, mepakay pengkey eden se kànen aw inemen tadon. Meneng keilangan metòlid se inangen tadon, aw melinaw se pedowan tadon diyà te doma otaw, aw yan begayan kidon te Espiritu Santo te keluba te pedowan tadon.

Roma 15:13

Timanem se eglekatan te kedita te egpelimanan tadon. Ibeg ko, begayan kaw din te ontò keluba aw kelinaw te pedowan niyo tandà te pegsalig niyo ki Cristo, amon melobos se pegpeliman niyo pineokit te tabang te Espiritu Santo kenyo.

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

Roma 5:5

Eked kidon lengà te pegpemenal. Tomanen te Timanem se egpelimanan tadon, so nedekelan kidon din te pedowan pineokit te Espiritu Santo imbegay din kenitadon.

1 Korinto 12:3

Megtoladà a den kenyo amon ketegahan niyo aw Espiritu Santo se egbayà-bayà te otaw. Aw doen otaw menollon ki Jesus, ketegahan niyo te kenà Espiritu Santo se egbayà-bayà kandin. Meneng aw mikagi se otaw te si Jesus se Pengolo din, yan ketegahan niyo te Espiritu Santo se egbayà-bayà kandin.

1 Korinto 6:19

Nelibelan niyo den besi ini. Se lawa niyo, yan se eg-ogpaan te Espiritu Santo imbegay te Timanem kenyo, aw kidoen lamig songkani. Yan se doun te kenà kenyo se lawa niyo, meneng Timanem se tig-apò kenyan,

2 Korinto 13:14

Ibeg ko tebangan se kedita niyo te Pengolo tadon si Jesu Cristo, aw kedekelan kaw te Timanem te pedowan, aw megsebad kaw tandà te Espiritu Santo eg-ogpà diyà kenyo.

2 Korinto 6:6

Impekità ko te metòlid se eg-inangen ko pineokit kani. Nelobos se pedowan ko, aw netegahan ko se kebenalan, aw medalem se pedowan ko, aw egkeidowan ko se doma otaw, aw egbeyà-beyaan a te Espiritu Santo, aw ontò dakel se pedowan ko diyà te menge otaw egpemenal.

Efeso 1:13

Sikiyo heman menge otaw kenà Judiyo, pegdineg niyo te benal kagi te Timanem, sìyan Mèpiya Indan te doen kelowaan lekat te salà, simalig kaw heman diyà ki Jesu Cristo. Mig-iling kaw den kenami menge Judiyo, so binegayan kaw heman te Timanem te Espiritu Santo tapay din impakang, so yan se pengilala te sakop kaw din.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Efeso 4:30

Ikà niyo eg-inang te pengkey eden eked keibegi te Espiritu Santo. Binegayan kaw te Timanem te Espiritu Santo, so yan se pengilala te sinakop kaw din aw ipelowà kaw te aldaw te peglikò te Pengolo tadon.

1 Tesalonika 4:8

Yan aw doen otaw eked tolò te punù sìyan, kenà otaw se egkuluwan din meneng egkuluwan din se Timanem nemegay kenyo te Espiritu Santo.

2 Timoteo 1:14

Pineokit te tabang te Espiritu Santo eg-ogpà diyà kenitadon, peg-ahà ka te metòlid se pegtoladà no te kebenalan insalig diyà kamno.

Tito 3:5

impelowà kidon din lekat te salà. Impelowà kidon din kenà tandà te peg-inang tadon te metòlid, meneng tandà te keido din kenitadon. Impelowà kidon din lekat te salà pineokit te peg-onaw din kenitadon, aw yan se todà tadon pegtebaw te pegpemegay te Espiritu Santo kenitadon te kaling pedowan.

Menge Hebreo 10:15

Doen heman ipetaga-taga te Espiritu Santo diyà kenitadon tepad kenyan, so doen kagi din insolat,

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Menge Hebreo 3:7

Yan se doun te keilangan toloen tadon se inikagi te Espiritu Santo, “Pengkey seini aldaw, aw domineg kaw te kagi te Timanem,

Menge Hebreo 9:8

Pineokit kenyan, impetaga-taga te Espiritu Santo kenitadon te kedengan dalem te doen pa punù tepad te balay sìyan, eked kepakay aw mawop se pengkey sinu otawi te Ontò Tambì amon megpedapag diyà te Timanem.

1 Pedro 1:12

Meneng impetaga-taga te Timanem kandan te eked ketoman se kagi din ingkeliwat dan tepad ki Cristo te eked dan pa kematay, meneng sikitadon se netomanan te kagi te Timanem ingkeliwat dan. Netoman den iyan aw yan se intoladà diyà kenyo. Se menge otaw migtoladà kenyo te Mèpiya Indan sìyan tepad ki Cristo, tinoledaan dan te Espiritu Santo insogò din lekat te langit. Ontò mèpiya se kebenalan sìyan igsà ibeg te menge anghil metaga-taga dan peden heman tepad kenyan.

2 Pedro 1:21

so kenà lekat te aneng-aneng te otaw se kagi intoladà te menge telekeliwat din, meneng lekat iyan te Timanem. So pigbeyà-beyaan dan te Espiritu Santo, yan kagi te Timanem se inikagi dan.

1 Juan 2:20

Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Juan 5:7

Eg-indan heman se Espiritu Santo te kebenalan sìyan so eked sikandin pegkebolalaw.

Judas 1:20

Meneng menge kedowa ko egkedekelan ko te pedowan, keilangan megpekegsenay kaw amon melobos se pegsalig niyo diyà te Timanem. Pegtawal-tawal kaw pineokit te tabang te Espiritu Santo kenyo.

Impekità 2:11

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita te otaw eked dàgi te kededàtan, yan se eked detengi te pelumun, sìyan ikedowa pegkematay.’”