Juan 14:21 - Manobo Sarangani

²¹ “Se otaw menenalan te impunù ko aw tomolò kenyan, yan se otaw ontò dakel se pedowan din kanak. Se otaw dakel se pedowan din kanak, yan se egkedekelan te Amay ko te pedowan, aw dakel heman se pedowan ko kandin, aw megpekità a heman kandin.”

Juan 14:21 ပူးပေါင်းရင်းမြစ်များ

Juan 14:15

“Aw dakel se pedowan niyo kanak, yan tomolò kaw heman te impunù ko kenyo.

1 Juan 5:3

so metaga-taga kidon te dakel se pedowan tadon te Timanem pineokit te pegtolò tadon te menge punù din. Kenà melima se pegtolò tadon te punù din,

1 Juan 2:5

Meneng se otaw egtolò te kagi te Timanem, yan se otaw ontò nelobos se kedakel te pedowan din diyà te Timanem. Yan se pengilala te ontò kidon den diyà te Timanem.

2 Juan 1:6

Ipetaga-taga tadon te dakel se pedowan tadon te Timanem pineokit te pegtolò tadon te menge punù din. Seini se impunù kenyo lekat te ketebò te pegpemenal niyo, te keilangan dakel se pedowan niyo.

Juan 16:27

so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

Luc. 11:28

Meneng minikagi si Jesus, “Labi pa meluba se kedita te otaw domineg te kagi te Timanem aw tomolò dan heman kenyan.”

Juan 15:14

Aw tomolò kaw te menge punù ko kenyo, sikiyo se menge sigalak ko.

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

Impekità 22:14

Ontò meluba se kedita te otaw neonawan lekat te salà dan, so yan se otaw mepakay komaen te pongo te kayo iningedanan Kayo Mekebegay te Kaling Pedowan, aw mepakay heman aw mawop dan te lelebangan pesalo doton te lonsod.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Impekità 2:17

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita niyo eked dàgi te kededàtan, yan se begayan ko te pan intagò kenyo kidoen te langit. Begayan ko heman sikiyo te bato mepotì sinolatan te kaling ngadan. Se otaw begayan ko kenyan, yan olò se otaw metaga-taga aw sinu se ngadan insolat kidoen.’”

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

1 Juan 3:1

Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Juan 16:14

Iduyun a din, so lekat kanak se kagi itoladà din kenyo.

Juan 14:18

“Aw mesayo a, eked kaw keinang iling te menilo, so lomikò a dini kenyo.

2 Timoteo 4:22

Pengolo tadon se gayed meg-ipat kamno. Ibeg ko tebangan te Timanem se kedita niyo.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

Ininang 22:18

Minikagi se kinità ko, ‘Ayas ka kesayo lekat te Jerusalem, so eked penenalan se menge otaw dini te itoladà no tepad kanak.’

2 Korinto 12:8

Meketelo a pegtawal-tawal diyà te Pengolo. Nemoyò a te ebaten din se kelimahan ko.