Juan 14:20 - Manobo Sarangani

²⁰ Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Juan 14:20 ပူးပေါင်းရင်းမြစ်များ

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 14:10

Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 14:11

Pemenal ka te inikagi ko, te diyà a te Amay ko, aw diyà heman sikandin kanak. Aw eked ka pemenal kenyan pengkey siak se minikagi kenyan, pemenal ka kenyan tandà te menge kepelahan ininang ko.

Juan 16:23

Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 16:26

Aw domateng se aldaw sìyan, mepakay aw sikandin se pemoyoan niyo pineokit te ngadan ko. Yan se doun te wedà a ikagi te siak se memoyò kandin tepad kenyo,

Juan 17:11

Nayan, agpet a den molì doton kamno, aw eked a peg-ogpà dini te keneyonan. Meneng meg-ogpà pa dini te keneyonan se kedita te sakop ta. Amà, metòlid se kedita te eg-inangen nikaw. Peg-ipat ka kandan amon eked dan soway lekat te kebenalan tepad te kamno pegkeotawun insalig no kanak. Peg-ipat ka kandan amon megsebad dan te pedowan, iling te pegsebad te pedowan ta.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 17:7

Netegahan den dan te lekat kamno se kedita te insalig no kanak.

Juan 6:56

Se otaw komaen te onod ko aw minem te dipanog ko, yan se eg-ogpà diyà kanak, aw siak diyà kandin.

Roma 16:7

Indani niyo heman si Andronico aw si Junias te eg-aneng-aneng a kandan. Sikandan se doma ko Judiyo kineleboso doma kanak. Ontò dan nedengeg sogounun i Cristo, aw migpesakop dan diyà ki Cristo te wedà a pa pegpesakop.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

2 Korinto 12:2

Kedengan te sempolò teg epat den se omay se minokit, neibing a doton te langit eg-ogpaan te Timanem. Wedà ko ketegahi aw neketaking se lawa ko te pedowan ko doton. Timanem olò se netaga-taga kenyan.

2 Korinto 13:5

Ontò niyo eneng-enengi. Sikiyo se keilangan meg-ahà te kenyo pegkeotawun aw lulub kaw ki Cristo. Mèpiya aw lobosen niyo se pegpemenal ki Cristo. Eneng-enengi niyo ini te kenà metòlid se otaw diyà te Timanem singed aw eg-ogpà si Jesu Cristo diyà kandin.

2 Korinto 5:17

Se otaw simalig ki Cristo, ontò den netodà se pedowan dan. Taman den niyan se pegkeallang dan diyà te medaet, so doen den kaling pedowan dan.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

Kolasas 1:19

so lekat te ibeg te Timanem, ontò kitaen se ketanem te Timanem diyà ki Cristo.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Kolasas 2:9

Pegpekeotaw i Cristo, ontò kinità se ketanem te Timanem diyà kandin.

1 Juan 4:12

Wedad palos otaw kimità te Timanem. Meneng aw megpedekelay kidon te pedowan, yan se pengilala te eg-ogpà se Timanem diyà te pedowan tadon, aw mesikop heman se kedakel te pedowan din diyà kenitadon.