Juan 14:2 - Manobo Sarangani

² Medita se tambì kidoen te balay eg-ogpaan te Amay ko. Simpana kenà iyan benal, eked a peden peg-indan kenyo. Meneng domoton a den amon ipetagad ko kenyo se ogpaan niyo.

Juan 14:2 ပူးပေါင်းရင်းမြစ်များ

Luc. 14:22

Wedà kenamay, minikagi se sineligan, ‘Sir, timolò a den te impunù no kanak, meneng doen pa keombaan.’

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 13:36

Mig-insà si Pedro, “Pengolo, kenan ka lay doton?” Timaba si Jesus, “Eked ka pa pekedoma kanak doton te dotonan ko. Meneng tomelokon ka kanak te modi aldaw.”

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 16:4

Intoladà ko den kenyo se kedita nini, so aw detengan kaw te pegpemilang, yan meg-aneng-aneng kaw te siak se tapay migtoladà kenyo te metoman iyan domateng diyà kenyo.” “Pegtebò te pegtaking niyo kanak, wedà a pegtoladà kenyo te kedita nini, so migdoma a pa kenyo.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

2 Korinto 5:1

Meketayod a pa te kelimahan, so netegahan ko aw matay se lawa ko dini te keneyonan, doen pa kaling lawa eked palos kematay ibegay te Timanem kanak doton te langit.

1 Tesalonika 5:9

Pinemallì kidon te Timanem kenà amon ipelumun kidon din, meneng amon ipelowà kidon din lekat te pelumun pineokit te Pengolo tadon si Jesu Cristo.

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

Menge Hebreo 11:10

Iling te eked kenamay se peg-ogpà i Abraham doton, so se ogpeanan ontò din pinelimanan, yan se lonsod doton te langit eked palos kealin so ininang iyan te Timanem.

Menge Hebreo 13:14

Meketayod kidon kenyan so eked kidon peg-ogpà dini te keneyonan te wedad temanan. Meneng doen pa lonsod egpelimanan tadon ogpaan doton te langit te wedad temanan.

Menge Hebreo 9:8

Pineokit kenyan, impetaga-taga te Espiritu Santo kenitadon te kedengan dalem te doen pa punù tepad te balay sìyan, eked kepakay aw mawop se pengkey sinu otawi te Ontò Tambì amon megpedapag diyà te Timanem.

Impekità 21:2

Kinità ko se lonsod eg-ogpaan te Timanem, sìyan iningedanan Kaling Jerusalem. Migpedanà iyan lekat te langit aw lekat te Timanem. Ontò mèpiya se bawa niyan, iling te bayi ontò mig-igmes te aldaw te peipid din.

Impekità 3:12

Se kedita te otaw eked dàgi te kededàtan, yan se inangen ko medengeg, so inangen ko dan iling te dimasel tollok kidoen te dakel simbahan te Timanem kidoen te langit. Gayed dan meg-ogpà kidoen, aw solatan ko dan te ngadan te Timanem Amay ko, aw ngadan heman te lonsod eg-ogpaan te Amay ko, sìyan iningedanan Kaling Jerusalem megpedanà lekat te langit aw lekat te Timanem. Solatan ko dan heman te kaling ngadan ko.

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.