Juan 14:12 - Manobo Sarangani

¹² “Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Juan 14:12 ပူးပေါင်းရင်းမြစ်များ

Mat. 21:21

Minikagi si Jesus, “Eneng-enengi niyo se kagi ko kenyo seini. Aw somalig kaw diyà te Timanem aw eked kaw pegdowa-dowa, meg-inang kaw te kepelahan labi pa metolos diyà te ininang ko diyà te kayo seini. Aw mikagi kaw diyà te bontod seini te meabat iyan aw mealin doton te dagat, metoman iyan meinang.

Mar. 11:13

Kinità din se kayo igira te mediyò. Dimawen iyan, aw dimoton sikandin amon mahà te pongo niyan. Meneng pegdateng din doton, wedad palos pongo kinità din, olò menge dawen. Wedà pa dateng se aldaw te pegpongo din.

Mar. 16:17

Seini se menge pengilala inangen te menge otaw egpemenal kanak. Megpelowà dan te bosaw lekat te otaw pineokit te ngadan ko. Mikagi dan heman te kagi eked kelebeti.

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 4:37

Yan benal se eg-ikegiyen, ‘Menanem se sebad, meneng meglegani se doma.’

Juan 5:20

so dakel se pedowan te Amay ko kanak, aw pinekitaan a din te kedita te eg-inangen din. Doen pa inangen din ipekità din pineokit kanak labi pa metolos te ininang ko den amon ontò kaw mepela.

Juan 7:33

Minikagi si Jesus diyà te otaw netipon, “Te eked kenamay, mesayo a lekat dini, so molì a doton te simogò kanak.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Ininang 10:46

so dinineg dan se menge otaw kenà Judiyo nekeikagi te medita kemolò kagi te doma otaw, aw dimuyun dan heman te Timanem. Penga niyan, minikagi si Pedro diyà te menge Judiyo timaking kandin,

Ininang 16:18

Yan se eg-inangen din te kelikit te aldaw. Sagwa wedà peketayod si Pablo, yan siminalo kandin aw minikagi diyà te bosaw, “Insogò a i Jesu Cristo, aw yan mikagi a kamno, lowà ka diyà kandin.” Pegketà limowà se bosaw diyà kandin.

Ininang 19:12

so pengkey kelobaw aw penenaktun din ipeg-ated dan doton te otaw doen mesakit, amon kegolian se otaw sìyan doen mesakit, aw amon mekelowà se bosaw lekat te doma otaw.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Ininang 2:41

Penga niyan, binonyagan dan se menge otaw nemenal te inikagi i Pedro. Doen menge telo melalan otaw nemenal te Timanem te aldaw sìyan, aw nekeakop dan diyà te otaw tapay nemenal.

Ininang 4:16

“Megmeno kidon? Eked kidon pekeikagi te wedà iyan keinang. Netegahan te kedita te otaw dini te Jerusalem te neinang dan se kepelahan.

Ininang 4:33

Mig-inang se menge sogounun i Cristo te kepelahan, aw mig-indan dan te benal neantay se Pengolo si Jesus lekat te nematay. Ontò tinebangan te Timanem se kedita te otaw egpemenal.

Ininang 4:4

Meneng nemenal se medita otaw nenenalan ki Pedro aw si Juan. Menge lima melalan se kedita te otaw nemenal, sipat sìyan otaw tapay nemenal.

Ininang 5:15

So doen kepelahan ininang te menge sogounun i Cristo, inibing te doma se otaw doen mesakit doton te lowà te menge balay. Insawol dan se kama aw ikam te otaw doen mesakit doton dapag te dalan amon keelongan dan i Pedro so ibeg dan kegolian.

Ininang 6:7

Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

Ininang 8:7

Doen menge bosaw migpuypuy aw impelowà din lekat te otaw. Pinegolian din heman se menge otaw kenà egpekeiwal aw doma otaw kapig.

Ininang 9:34

Minikagi si Pedro kandin, “E Eneas, enaw ka, so pinegolì ka i Jesu Cristo. Loloni se inibatan nikaw.” Pegketà minenaw si Eneas.

Ininang 9:40

Meneng impelowà i Pedro se kedita dan kidoen. Limongken si Pedro aw migtawal-tawal diyà te Timanem. Penga niyan, minasdang diyà te lawa te nematay aw minikagi, “E Tabita, enaw ka.” Penga niyan, gimimata si Dorcas. Pegkità din ki Pedro, minenaw.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.