Juan 14:10 - Manobo Sarangani

¹⁰ Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 14:10 ပူးပေါင်းရင်းမြစ်များ

Juan 10:30

Siak aw Amay ko migsebad.”

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 11:26

Aw memenal kanak se otaw wedà pa kematay, eked palos sikandin detengi te kemetayun. Nemenal ka lay kenyan?”

Juan 12:49

Wedà ko teboki se pegtoladà ko, meneng insogò a te Amay ko, aw sikandin se migpunù kanak aw eden se ikegiyen ko aw itoladà ko.

Juan 14:11

Pemenal ka te inikagi ko, te diyà a te Amay ko, aw diyà heman sikandin kanak. Aw eked ka pemenal kenyan pengkey siak se minikagi kenyan, pemenal ka kenyan tandà te menge kepelahan ininang ko.

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Juan 14:24

Se otaw wedad kedakel te pedowan din kanak, yan se otaw kenà egtolò te punù ko. Se intoladà ko kenyo, kenà iyan lekat te kanak aneng-aneng, meneng lekat iyan te Amay ko simogò kanak.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 5:17

Meneng doen intaba i Jesus kandan, so minikagi sikandin, “Gayed egterbaho se Amay ko pengkey aldaw seini, aw yan se doun te gayed a heman egterbaho.”

Juan 5:19

Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,

Juan 7:16

Timaba si Jesus kandan, kagi din, “Wedà ko teboki se kebenalan intoladà ko seini, meneng lekat iyan te Timanem simogò kanak.

Juan 8:28

Minikagi si Jesus, “Penga te pegsawol niyo te Timanem Migpekeotaw kidoen te kayo intollok, yan ketegahan niyo te benal se inikagi ko tepad te pegkeotawun ko. Ketegahan niyo heman te wedà ko teboki se pegtoladà ko, meneng ipegtoladà ko se intoladà te Amay ko kanak.

Juan 8:38

Se ipegtoladà ko, yan se kebenalan impetaga-taga te Amay ko kanak. Meneng se eg-inangen niyo, yan se medaet pig-ilingan niyo diyà te kenyo kemonaan.”

Juan 8:40

Meneng pengkey migtoladà a kenyo te kebenalan impetaga-taga te Timanem kanak, meneng ibeg niyo mengimatay kanak. Kenà niyan se ininang i Abraham.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Kolasas 1:19

so lekat te ibeg te Timanem, ontò kitaen se ketanem te Timanem diyà ki Cristo.

Kolasas 2:9

Pegpekeotaw i Cristo, ontò kinità se ketanem te Timanem diyà kandin.

1 Juan 5:7

Eg-indan heman se Espiritu Santo te kebenalan sìyan so eked sikandin pegkebolalaw.