Juan 13:5 - Manobo Sarangani

⁵ Penga niyan, nenoyong sikandin te wayeg diyà te pelenggana, aw mig-onaw te benis te menge tinoledaan din teg sebad-sebad. Miglegalis heman sikandin te benis dan te towalya diyà te pawak din.

Juan 13:5 ပူးပေါင်းရင်းမြစ်များ

Luc. 7:44

Penga niyan, timengteng si Jesus diyà te bayi aw minikagi pa diyà ki Simon, “Eneng-enengi se bayi seini. Pegdateng ko dini te balay no, wedad wayeg imbegay no kanak ionaw te benis ko tepad te ketanem tadon. Meneng se bayi seini, lohà din se in-onaw din te benis ko, aw logay din se inggalis din kenyan.

Genesis 19:2

aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

Genesis 18:4

Ibingen ko se wayeg ionaw te benis niyo, aw mekeetod kaw dini te kayo seini.

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Ininang 22:16

Nayan, ayas ka. Enaw ka aw bonyagan ka. Pegtawal-tawal ka diyà te Pengolo amon mekelowà ka lekat te salà nikaw.’

1 Juan 5:6

Netegahan tadon te si Jesu Cristo se Batà te Timanem pineokit te wayeg te pegbonyag kandin, aw pineokit te dipanog te pegkematay din. Netegahan tadon iyan kenà olò pineokit te pegbonyag ki Jesus, meneng pineokit heman te pegkematay i Jesus kidoen te kros.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Juan 19:34

Meneng doen sebad sondalo nenogseng te kilid din te dilek, aw yan dimelog se dipanog aw wayeg lekat te kilid din.

Luc. 7:38

Peg-awop din kidoen te balay, timikelong diyà te benis i Jesus aw migkelag. Impetedak din se lohà diyà te benis din, aw logay din se inggalis kenyan. Gayed egpengadek te benis i Jesus, aw nenoyong heman te lana diyà te benis din.

Juan 13:10

Minikagi si Jesus, “Se otaw nemedigos den, olò benis din se keilangan onawan amon melinis se kedakel te lawa din. Melinis kaw den, meneng kenà melinis se kedita niyo.”

Juan 13:8

Minikagi si Pedro, “Eked ka palos peg-onaw te benis ko.” Minikagi si Jesus, “Aw eked ta onawi, wedad labut no kanak.”

Genesis 43:24

Impeawop din dan doton te balay i Jose, aw inibing din se wayeg ionaw te benis dan. Impekaen din heman se menge asno dan.

Juan 13:6

Pegdateng din doton ki Simon, iningedanan din ki Pedro, nepela si Pedro aw minikagi, “Pengolo ko, eked kepakay aw sikona se meg-onaw te benis ko.”