Juan 13:4 - Manobo Sarangani

⁴ Yan dalem pa te peg-iyambong dan, timindeg si Jesus, aw miglowas te saol din, aw nemagkes te towalya diyà te pawak din.

Juan 13:4 ပူးပေါင်းရင်းမြစ်များ

Luc. 12:37

Aw domateng se amo dan, ontò dan meluba aw wedà dan tedogi aw neketagad dan. Eneng-enengi niyo se kagi ko seini. Mèpiya se inangen din diyà kandan. Meg-ekas se amo dan, aw sikandin se megpepenenoo kandan kidoen te lemisa aw megpekaen kandan.

Luc. 17:7

“Simpana doen sineligan egdaro aw egtonggò te karniro te amo din. Aw mepenga se pegterbaho din doton te pawà, aw domoton te balay, eked kepakay aw sikandin se monà ipekaen te eked pa kaen se amo din.

Luc. 17:8

Meneng onà megpunù se amo te keilangan meg-inang se sineligan te kànen aw meglamak kenyan. Penga te pegkaen te amo, yan mepakay aw komaen se sineligan.

Luc. 22:27

Aw doen otaw komaen kidoen te lemisa, aw doen heman otaw egtelaban kandin meglamak te kànen, netegahan niyo te labi pa melangkaw se otaw egpenenoo. Meneng pengkey siak se Pengolo niyo, meneng iling a te otaw egsogoen niyo.

Juan 13:12

Penga te peg-onaw din te benis dan, nenaol sikandin aw limikò kidoen te lemisa. Penga niyan, minikagi sikandin, “Wedà niyo besi kelebeti aw eden se ininang ko gina diyà kenyo.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

1 Juan 3:11

Seini se kebenalan dinineg niyo lekat te pegpemenal niyo ki Cristo kedengan lamig songkani. Keilangan megpedekelay kidon te pedowan.