Juan 13:31 - Manobo Sarangani

³¹ Penga te pegkesayo i Judas, minikagi si Jesus, “Ipekità den te siak se Timanem Migpekeotaw, aw pineokit kanak ipekità heman te melangkaw se Timanem.

Juan 13:31 ပူးပေါင်းရင်းမြစ်များ

1 Pedro 4:11

Aw insogò kaw te Timanem megtoladà, keilangan kagi te Timanem se itoladà niyo. Aw insogò kaw te Timanem megtabang te doma otaw, keilangan measeb kaw megtabang, so begayan kaw te Timanem te eneg. Aw iling kenyan se kedita te eg-inangen niyo, iduyun se Timanem pineokit te pegtabang i Jesu Cristo kenyo. Timanem se iduyun aw lomowan te wedad temanan. Metoman iyan.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

Efeso 3:10

amon pineokit te kedita te otaw egpemenal, ipetaga-taga din den diyà te kedita te melangkaw aw metolos doton te langit te ontò mèpiya se kebiyasa din.

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Ininang 2:36

Eneng-enengi niyo. Pengkey inlansang niyo si Jesus diyà te kros amon matay, meneng sikandin se ininang te Timanem Pengolo aw Misiyas.”

Juan 16:14

Iduyun a din, so lekat kanak se kagi itoladà din kenyo.

Juan 12:23

Minikagi si Jesus, “Agpet den se aldaw ipekità te Amay ko te melangkaw a.

Juan 11:4

Pegdineg i Jesus kenyan, minikagi, “Pengkey nesekitan sikandin, meneng se tod kenà amon matay, meneng amon ipekità te melangkaw se Timanem. Ipekità heman te melangkaw a Batà te Timanem pineokit kenyan.”

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

Efeso 2:7

Yan se ininang din amon gayed metaga-taga se kedita te otaw te ontò dakel se tabang din kenitadon pineokit ki Jesu Cristo.

Efeso 1:12

Sikami menge Judiyo se monà simalig diyà ki Cristo, aw yan se doun te iduyun day sikandin.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

Juan 12:28

Penga niyan, migtawal-tawal si Jesus, “Amà, pekitai diyà te menge otaw dini te ontò ka melangkaw.” Peg-ikagi din kenyan, dinineg dan se kagi te Timanem lekat te langit, kagi din, “Tapay ko den iyan impekità, aw todà ko heman ipekità.”

Luc. 12:50

Meneng keilangan onà a kelimahan. Ontò melima se pegtagad ko kenyan. Ibeg ko peden mepenga den.

Mat. 8:20

Meneng minikagi si Jesus, “Mèpiya pa se menge menenanap te kebenesan, so doen ogpeanan dan. Mèpiya pa heman se menge manok, so doen heman embonganan dan. Meneng melima aw tomaking ka kanak Timanem Migpekeotaw, so wedad palos ibatan ko te delem.”

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.