Juan 13:21 - Manobo Sarangani

²¹ Penga te peg-ikagi i Jesus kenyan, ontò nelidò se pedowan din, aw minikagi, “Eneng-enengi niyo se kagi ko kenyo. Doen sebad kenyo megtolok kanak.”

Juan 13:21 ပူးပေါင်းရင်းမြစ်များ

Mat. 26:21

Dalem te pegpengaen dan, minikagi si Jesus, “Eneng-enengi niyo se kagi ko seini. Doen sebad kenyo megtolok kanak.”

Mat. 26:38

aw minikagi sikandin, “Ontò den nepuluk se pedowan ko, iling te matay a. Peg-ogpà kaw den dini, aw ikà niyo egtedogi.”

Mar. 14:18

Dalem te kimaen dan, minikagi si Jesus, “Eneng-enengi niyo se kagi ko kenyo seini. Doen sebad kenyo megtolok kanak, aw kimaen sikandin doma ko.”

Mar. 3:5

Timengteng si Jesus diyà te kedita dan, aw neopal sikandin so nelidò se pedowan din tandà te kagsen te olo dan. Penga niyan, minikagi sikandin diyà te otaw nekepis se belad, “Oladi se belad nikaw.” Peg-olad din te belad din, pegketà migkèpiya iyan.

Juan 11:33

Sagwa kimità si Jesus te migkelag si Maria aw kedita te Judiyo timaking kandin, neantag se pedowan din aw ontò nelidò.

Juan 11:35

Penga niyan, migkelag heman si Jesus.

Juan 11:38

Pegdateng i Jesus doton te lebeng, todà neantag se pedowan din. Ilib se linebengan ki Lazaro, aw doen dakel bato insampeng diyà te awang niyan.

Juan 12:27

Minikagi si Jesus, “Ontò den nepuluk se pedowan ko. Megmeno a? Eked a pemoyò diyà te Amay ko te ipelowà a din lekat te kelimahan domateng diyà kanak, so yan se doun te dimini a te keneyonan amon tomayod a kenyan.”

Juan 13:18

Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Juan 13:2

Kimaen dan te iyambong. Kidoen heman si Judas Iscariote, batà i Simon, tapay binoyo i Satanas amon megtolok ki Jesus.

Juan 13:22

Pegdineg te menge tinoledaan din kenyan, nepela dan aw migpetengtengay dan, so wedà dan ketegahi aw sinu se nepeselowan te inikagi din sìyan.

Ininang 17:16

Dalem te pegtagad i Pablo doton te Atenas, ontò nepuluk se pedowan din, so ontò medita se inotaw egdogsoan te otaw eg-ogpà kidoen.

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.