Juan 13:18 - Manobo Sarangani

¹⁸ Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Juan 13:18 ပူးပေါင်းရင်းမြစ်များ

Mat. 26:23

Minikagi si Jesus, “Doen sebad dini megtolok kanak pengkey timogen sikandin kanak.

Juan 17:12

Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

Mar. 14:20

Minikagi si Jesus, “Yan se sebad diyà te sempolò teg dowa kenyo. Timogen sikandin kanak.

Juan 13:26

Timaba si Jesus, “Yan se otaw begayan ko te pan tapay imbawog diyà te lipong.” Penga niyan, migbawog si Jesus te pan, aw imbegay din ki Judas, batà i Simon Iscariote.

Juan 6:70

Minikagi si Jesus, “Pengkey pinemallì ko sikiyo sempolò teg dowa, meneng doen sebad diyà kenyo sakop i Satanas.”

Juan 15:19

Simpana sakop kaw te menge otaw sìyan, sigalak kaw dan so onawa kaw kandan. Meneng kenà kaw den sakop dan, so nemallì a den kenyo aw impelowà ko den sikiyo lekat kandan. Yan se doun te kebensihan kaw dan.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Mat. 10:36

Se ontò poon te otaw kwani, yan se menge sakop te kandin balay.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

Mat. 26:21

Dalem te pegpengaen dan, minikagi si Jesus, “Eneng-enengi niyo se kagi ko seini. Doen sebad kenyo megtolok kanak.”

Mar. 14:17

Pegkedelem niyan, dimoton si Jesus aw kedita te sempolò teg dowa tinoledaan din.

Mar. 14:18

Dalem te kimaen dan, minikagi si Jesus, “Eneng-enengi niyo se kagi ko kenyo seini. Doen sebad kenyo megtolok kanak, aw kimaen sikandin doma ko.”

Luc. 22:21

“Meneng eneng-enengi niyo ini. Migdoma kanak dini se otaw megtolok kanak.

Juan 13:21

Penga te peg-ikagi i Jesus kenyan, ontò nelidò se pedowan din, aw minikagi, “Eneng-enengi niyo se kagi ko kenyo. Doen sebad kenyo megtolok kanak.”

Juan 13:22

Pegdineg te menge tinoledaan din kenyan, nepela dan aw migpetengtengay dan, so wedà dan ketegahi aw sinu se nepeselowan te inikagi din sìyan.

Juan 15:25

Pineokit te pegkebensi dan, netoman den se kagi tapay insolat diyà te kagi te Timanem, ‘Wedad tindegan te kebensi dan kanak.’

Juan 18:32

Neinang iyan amon metoman se inikagi i Jesus tepad te keokit te pegkematay din.

Juan 19:24

Yan se doun te minikagi dan, “Mèpiya aw eked tadon lisii se saol din. Meneng labi pa mèpiya aw megbonot kidon aw sinu se mekeabat kenyan.” Pegbonot dan kenyan, yan netoman se pakang insolat diyà te kagi te Timanem, “Megtalad-talad dan te penenaktun ko, aw megbonot dan heman tepad te saol ko.”

Juan 19:36

Peg-inang te menge sondalo kenyan, netoman se pakang tapay insolat diyà te kagi te Timanem, “Wedad palos tòlan din pentigen.”

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Ininang 1:16

“Menge kedowa ko, netoman den se kagi te Timanem impesolat te Espiritu Santo ki David tepad ki Judas. Sikandin se nengibing te menge otaw migdakep ki Jesus.