Juan 13:13 - Manobo Sarangani

¹³ Eg-ikagi kaw te siak se Menenoladà, aw egtewalen a niyo Pengolo. Neketotok iyan, so ontò a Pengolo niyo, aw egtoladà a kenyo.

Juan 13:13 ပူးပေါင်းရင်းမြစ်များ

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

Luc. 10:28

Minikagi si Jesus, “Benal se taba nikaw. Aw yan se inangen no, metoman ka kominawà te kaling pedowan wedad temanan.”

Luc. 6:46

“Eked kepakay aw mikagi kaw te siak se Pengolo niyo singed aw tomolò kaw te ipegtoladà ko kenyo.

Luc. 7:43

Timaba si Simon, “Sikandin besi mineles te lima gatos, so labi pa dakel se salà din pigwedad.” Minikagi si Jesus, “Benal se pegtaba nikaw.”

Juan 11:2

Si Maria se migtoyong te lana diyà te benis te Pengolo, aw logay din se inggalis din kenyan. Nesekitan se meama dan si Lazaro.

Juan 11:28

Penga te peg-ikagi i Marta kenyan, minolì sikandin amon mangay te adi din si Maria. Minikagi sikandin te wedad doma otaw dimineg, “Dimateng den se Menenoladà, aw impeangay ka din.”

Juan 11:3

Doen otaw insogò dan doton ki Jesus minikagi, “Sir, nesekitan se sigalak no nedekelan no te pedowan.”

1 Korinto 12:3

Megtoladà a den kenyo amon ketegahan niyo aw Espiritu Santo se egbayà-bayà te otaw. Aw doen otaw menollon ki Jesus, ketegahan niyo te kenà Espiritu Santo se egbayà-bayà kandin. Meneng aw mikagi se otaw te si Jesus se Pengolo din, yan ketegahan niyo te Espiritu Santo se egbayà-bayà kandin.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

Efeso 6:9

Sikiyo menge otaw doen allang, keilangan mèpiya heman se pedowan niyo kandan. Ikà niyo eglamit kandan, so netegahan niyo te onawa se Pengolo niyo aw Pengolo dan eg-ogpà doton te langit. Diyà te aneng-aneng din, onawa se keelagà te kedita te otaw, pengkey allang aw kenà allang.

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

Filipos 3:8

Yan pengkey eden se mèpiya inang ko kedengan, netegahan ko den te wedad palos ontong ko kenyan, so labi pa mèpiya se pegtaking ko te Pengolo tadon si Jesu Cristo. Pegpemenal ko kandin, tinenanan ko se kedita te doma egseligan ko. Tinenanan ko se wedad ontong amon tomaking a ki Cristo,

Santiago 2:19

Aw mikagi kaw te nemenal kaw den te olò sebad se Timanem, mèpiya iyan, meneng eden niyo aw botong se pegpemenal niyo kenyan. Pengkey bosaw eleg heman nemenal kenyan, aw egtegengtangen dan tandà te lamit dan kandin, meneng kenà dan man egtaking te Timanem.