Juan 13:1 - Manobo Sarangani

¹ Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 13:1 ပူးပေါင်းရင်းမြစ်များ

Mat. 26:45

Penga niyan, limikò sikandin doton te tinoledaan din aw minikagi sikandin, “Nepela a so gayed kaw timedogi. Na, dimateng den se oras te pegtolok kanak Timanem Migpekeotaw, amon dekepen a te menge otaw mededaet.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Luc. 22:53

Gayed a migtoladà kidoen te dakel simbahan, meneng wedà a niyo dekepi doton. Meneng mekedakep kaw den kanak, so seini se aldaw pinemallì te Timanem aw meg-inang si Satanas te medaet.”

Luc. 9:51

Sagwa agpet den domateng se aldaw te pegkeengat i Jesus doton te langit, miglalang sikandin domoton te Jerusalem.

Juan 11:55

Penga niyan, agpet den domateng se aldaw te pista te menge Judiyo, sìyan Pista te Pegpelowà. Te wedà pa dateng se aldaw te pista, medita se otaw dimoton te Jerusalem lekat te menge doma lonsod amon toloen dan se ketanem te menge Judiyo tepad te pegpelinis.

Juan 12:23

Minikagi si Jesus, “Agpet den se aldaw ipekità te Amay ko te melangkaw a.

Juan 13:29

Si Judas se egtonggò te kwarta te kedita dan, aw yan se doun te mig-aneng-aneng dan te insogò sikandin amon mayad te menge kelidoan dan tepad te pista. Mig-aneng-aneng se doma te insogò sikandin amon memegay te kwarta diyà te menge otaw sagkep.

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

Juan 14:28

Dinineg niyo se inikagi ko gina kenyo, te agpet a den mesayo, aw lomikò a pa heman dini kenyo. Aw ontò dakel se pedowan niyo kanak, meluba kaw heman kenyan, so molì a doton te Amay ko. Sikandin se labi pa melangkaw diyà kanak.

Juan 14:31

meneng gayed ko egtoloen se impunù te Amay ko kanak, amon ketegahan te kedita te otaw te dakel se pedowan ko diyà te Amay ko. Tindeg kaw den, so agpet kidon den mesayo lekat dini.”

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 17:1

Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.

Juan 17:16

Kenà a egtaking te otaw medaet dini te keneyonan, aw iling heman kanak se menge sakop ta, so kenà dan egtaking te otaw medaet dini te keneyonan.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 17:5

Nayan Amà, pekitai heman kidoen te langit te melangkaw a, iling te kelangkaw ko gebii te pegdoma ko kamno te wedà pa inangi se keneyonan.

Juan 18:4

Nayan, tapay netaga-taga si Jesus aw eden se domateng kandin. Yan pegdateng te menge otaw timaking ki Judas, simongon si Jesus kandan aw mig-insà, “Sinu lay se inahà niyo?”

Juan 19:28

Penga niyan, netegahan i Jesus te nepenga din den se kedita te insogò te Amay din kandin, aw minikagi, “Nelao a.” Pineokit kenyan, netoman se pakang tepad kandin tapay insolat diyà te kagi te Timanem.

Juan 2:13

Agpet den domateng se aldaw te Pista te Pegpelowà, aw yan dimoton si Jesus te Jerusalem.

Juan 6:4

Neinang ini te agpet domateng se pista te menge Judiyo iningedanan Pista te Pegpelowà.

Juan 7:30

Peg-ikagi din kenyan, doen menge otaw meibeg megdakep kandin, meneng wedà dan deleg, so wedà pa dateng se aldaw pinemallì te Timanem te pegdakep kandin.

Juan 7:6

Minikagi si Jesus, “Wedà pa dateng se kanak aldaw. Meneng pengkey eden eldawi se mepakay diyà kenyo.

Juan 8:20

Yan se inikagi i Jesus te pegtoladà din kidoen te dakel simbahan te Judiyo, doton te tambì niyan iningedanan Solanan te Kwarta Ibowang. Wedad otaw nekedakep kandin, so wedà pa dateng se aldaw pinemallì te Timanem te pegdakep dan kandin.

Roma 8:37

Meneng pengkey egdetengan kidon te kedita te kelimahan sìyan, ontò kidon domaeg, so meketayod kidon pineokit te tabang i Cristo gayed doen dakel pedowan kenitadon.

1 Korinto 1:8

Sikandin se megpekagsen te pegpemenal niyo amon wedad salà kitaen din diyà kenyo aw lomikò se Pengolo tadon si Jesu Cristo.

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

Menge Hebreo 3:6

Meneng kenà sineligan te Timanem si Jesus, so Batà din sikandin. Insalig te Timanem kandin se pegpengibing te kedita te menge sakop te Timanem. Aw gayed kidon somalig diyà te egpelimanan tadon, ipetaga-taga tadon te sakop kidon din.

Menge Hebreo 6:11

Ibeg day, measeb kaw meg-iling te mèpiya lamig te aldaw te peglikò te Pengolo tadon aw metoman se kedita te mèpiya pinelimanan tadon.

1 Pedro 1:13

So netegahan niyo den iyan, yan keilangan megpeketagad kaw meg-aneng-aneng te metòlid. Keilangan megpekebatol kaw. Keilangan megpeliman kaw te mèpiya ibegay te Timanem diyà kenyo te aldaw te peglikò i Jesu Cristo.

1 Juan 4:19

Doen dakel pedowan tadon so monà kidon nedekelan te Timanem te pedowan.