Juan 12:5 - Manobo Sarangani

⁵ “Tay law. Ontò iyan meelagà. Mèpiya peden aw ibeligyà iyan amon doen kwarta ibegay diyà te menge otaw sagkep.”

Juan 12:5 ပူးပေါင်းရင်းမြစ်များ

Mat. 18:28

Meneng pegkesayo te otaw sìyan, kinità din se doma otaw doton te dalan doen ontò deitek salà diyà kandin. Pegketà, pineleng din se lieg te otaw sìyan aw minikagi, ‘Impasi den se salà no kanak.’

Mat. 20:2

Migpakang sikandin te doen kwarta ibegay din diyà kandan sebad dinaryo, so botong iyan itandan te sebad se aldaw. Penga niyan, dimoton dan te pawà din aw migterbaho dan.

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Luc. 6:41

“Mola niyo egkitaen se sagbet kidoen te mata te doma niyo, meneng wedà niyo ketegahi te doen batang kidoen te kenyo mata.

Juan 12:4

Minikagi se sebad tinoledaan i Jesus, sìyan migtolok kandin si Judas Iscariote, kagi din,

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.

Juan 13:29

Si Judas se egtonggò te kwarta te kedita dan, aw yan se doun te mig-aneng-aneng dan te insogò sikandin amon mayad te menge kelidoan dan tepad te pista. Mig-aneng-aneng se doma te insogò sikandin amon memegay te kwarta diyà te menge otaw sagkep.

Juan 6:7

Timaba si Felipe, “Simpana doen ontò dakel kwarta tadon, pengkey doen dowa gatos se kwarta dinaryo ibayad tadon te pan, kolang pa se pan iteped diyà kandan, so ontò dan medita.”