Juan 12:49 - Manobo Sarangani

⁴⁹ Wedà ko teboki se pegtoladà ko, meneng insogò a te Amay ko, aw sikandin se migpunù kanak aw eden se ikegiyen ko aw itoladà ko.

Juan 12:49 ပူးပေါင်းရင်းမြစ်များ

Juan 14:10

Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 14:24

Se otaw wedad kedakel te pedowan din kanak, yan se otaw kenà egtolò te punù ko. Se intoladà ko kenyo, kenà iyan lekat te kanak aneng-aneng, meneng lekat iyan te Amay ko simogò kanak.

Juan 14:31

meneng gayed ko egtoloen se impunù te Amay ko kanak, amon ketegahan te kedita te otaw te dakel se pedowan ko diyà te Amay ko. Tindeg kaw den, so agpet kidon den mesayo lekat dini.”

Juan 15:15

Lekat seini, eked ko sikiyo tewali menge sineligan ko, meneng tewalen ko sikiyo menge sigalak ko. Se menge sineligan, eked dan ketegahi aw eden se tod te amo dan. Meneng sikiyo se menge sigalak ko, so impetaga-taga ko kenyo se kedita te intoladà te Amay ko kanak.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 3:11

Eneng-enengi se kagi ko kamno. Eg-ikegiyen day se netegahan day, aw ipeg-indan day se benal kinità day, meneng wedà kaw pemenal te inikagi day.

Juan 3:32

Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Juan 5:19

Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,

Juan 5:30

“Wedà ko teboki se inang ko. Iling te intoladà din kanak se peg-okom ko, aw metòlid se peg-okom ko, so kenà kenaken ibeg se egtekingan ko, meneng egtekingan ko se ibeg te Amay ko migsogò kanak.

Juan 6:68

Timaba si Simon, se doma ngadan din si Pedro, kagi din, “Pengolo, wedad palos doma tekingan day, so sebad no se egtoladà tepad te kaling pedowan wedad temanan.

Juan 7:16

Timaba si Jesus kandan, kagi din, “Wedà ko teboki se kebenalan intoladà ko seini, meneng lekat iyan te Timanem simogò kanak.

Juan 8:26

Dakel pa se itoladà ko aw isila ko kenyo. Meneng egkeseligan se simogò kanak, aw keilangan meg-indan a diyà te kedita te otaw te kebenalan impetaga-taga din kanak.”

Juan 8:28

Minikagi si Jesus, “Penga te pegsawol niyo te Timanem Migpekeotaw kidoen te kayo intollok, yan ketegahan niyo te benal se inikagi ko tepad te pegkeotawun ko. Ketegahan niyo heman te wedà ko teboki se pegtoladà ko, meneng ipegtoladà ko se intoladà te Amay ko kanak.

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Impekità 1:1

Seini se impekità i Jesu Cristo. Ingkeliwat din ini lekat te Timanem diyà te kedita tadon egtolò kandin, amon metaga-taga kidon aw eden se metoman domateng te eked kenamay. Siak si Juan sebad sakop i Jesu Cristo. Doen anghil insogò din amon ipetaga-taga din ini kanak.