Juan 12:48 - Manobo Sarangani

⁴⁸ Meneng se otaw eked pemenal kanak aw eked heman tolò te kebenalan intoladà ko, yan se metoman ipelumun te temanan aldaw pineokit te kagi intoladà ko wedà din toloi.

Juan 12:48 ပူးပေါင်းရင်းမြစ်များ

Luc. 10:16

Minikagi heman si Jesus diyà te menge tinoledaan insogò din, “Aw menenalan se otaw diyà kenyo, siak heman se penenelanen din. Aw eked penenalan se otaw diyà kenyo, siak heman se eked din penenelani. Aw eked penenalan se otaw diyà kanak, eked din heman penenelani se Amay ko simogò kanak.”

Roma 2:16

Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.

Juan 11:24

Minikagi si Marta, “Netegahan ko te meantay sikandin te temanan aldaw aw entayen te Timanem se kedita te otaw lekat te nematay.”

Menge Hebreo 12:25

Nayan, penenalan kaw te kagi te Timanem. Gebii wedà penenalan se menge kemonaan tadon te kagi te Timanem ingkeliwat i Moises dini lanto te tanà, aw yan impelumun dan te Timanem. Labi kidon pa ipelumun te Timanem aw eked kidon penenalan te inikagi din lekat te langit.

Menge Hebreo 2:3

Yan heman se doun te labi kidon din ipelumun aw eked kidon penenalan te kagi din tepad te ontò mèpiya kelowaan lekat te salà. Pengolo tadon se tagnà migpetaga-taga te doen kelowaan lekat te salà, aw doen heman menge otaw dimineg kandin migpetaga-taga kenitadon te keseligan se kagi din sìyan.

Juan 5:45

Kenà ko se megdimanda diyà te Timanem tepad kenyo te modi aldaw, so se kemonaan niyo si Moises egseligan niyo, yan se megdimanda te aldaw sìyan amon ipelumun kaw.

Mat. 21:42

Minikagi si Jesus, “Iling te wedà kaw palos pegbasa te kagi te Timanem seini, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay. Mèpiya se ininang te Pengolo sìyan, aw yan se doun te iduyun tadon sikandin.’

2 Korinto 4:3

Meneng se Mèpiya Indan tepad ki Cristo intoladà ko, wedà iyan kelebeti te menge otaw egpesalo doton te pelumun,

Luc. 20:17

Meneng timengteng si Jesus diyà kandan aw minikagi, “Meneng keilangan iyan metoman, so doen kagi te Timanem insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.’

Luc. 17:25

Meneng eked a likò singed aw ontò a elegen, aw onà a kuluwan te menge otaw te aldaw seini.

Luc. 9:26

Aw eked ikagi se otaw te sikandin se sakop ko, aw eked heman tolò te kagi ko, yan se otaw eked ko heman ikegihi te sikandin se sakop ko te peglikò ko dini. Siak se Timanem Migpekeotaw, aw lomikò a pa dini tekingan te keanyag ko, aw keanyag te Amay ko, aw keanyag te menge anghil te Timanem.

Luc. 9:22

Minikagi heman si Jesus, “Pengkey Timanem a Migpekeotaw, meneng metoman a ontò elegen, aw kuluwan a te menge obanen te Judiyo aw menge pengolo te simbahan aw menge menenoladà te punù. Imetayan a, meneng penga niyan te iketelo te aldaw, meantay a lekat te nematay.”

Luc. 7:30

Meneng se menge Parisiyo aw menenoladà te punù ingkeliwat i Moises, mig-eked dan te ibeg te Timanem kandan, so wedà dan pegpebonyag ki Juan.

Mar. 16:16

Aw memenal se otaw kenyan, aw megpebonyag, ipelowà sikandin lekat te salà. Meneng aw eked pemenal se otaw, ipelumun sikandin.

Mar. 12:10

Migbasa kaw den besi te kagi te Timanem seini insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mar. 8:31

Nayan, migtoladà si Jesus diyà te menge tinoledaan din aw eden se metoman domateng diyà kandin Timanem Migpekeotaw. Ontò sikandin elegen, aw kuluwan sikandin te menge obanen te Judiyo aw menge pengolo te simbahan aw menenoladà te punù ingkeliwat i Moises. Metoman sikandin imetayan, meneng penga niyan te telo se aldaw, meantay sikandin lekat te nematay.

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Juan 6:39

Aw seini se ibeg din, te tonggoan ko se kedita te otaw insalig din diyà kanak amon wedad metalon kandan, aw entayen ko se kedita dan te temanan aldaw.

Juan 8:47

Egpenenalan se menge batà te Timanem diyà te kagi te Timanem. Meneng kenà kaw batà te Timanem, aw yan se doun te eked kaw penenalan.”

Ininang 17:31

so tapay den pinemallì te Timanem se aldaw te peg-okom te kedita te otaw. Doen den pinemallì din meg-okom, aw metòlid se peg-okom din. Metoman iyan, so inantay sikandin te Timanem lekat te nematay.”

Menge Hebreo 4:12

Ontò metolos se kagi te Timanem aw egpekebegay te kaling pedowan. Labi pa megalang se kagi te Timanem diyà te sondang mekesipal te luluwadun aw ogat, so mekeapet se kagi te Timanem doton te temanan te pedowan aw aneng-aneng te otaw. Pineokit kenyan, ipetaga-taga aw eden se egkeeneng-enengan tadon aw egkeibegan te pedowan tadon.

Menge Hebreo 10:25

Pengkey doen menge otaw limengà te pegsimba, meneng keilangan eked kidon peg-iling kandan. Keilangan megpekegsenay kidon te pedowan amon meketayod kidon te pegpeliman. Ontò iyan keilangan songkani so netegahan tadon te lomikò se Pengolo tadon te eked kenamay.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

2 Pedro 3:3

Seini se melangkaw te kedita ipeaneng-aneng ko kenyo. Aw agpet den se temanan te keneyonan, doen menge otaw meg-inang te pengkey eden se ibeg te pedowan dan. Mebebayat dan kenyo

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.