Juan 12:44 - Manobo Sarangani

⁴⁴ Timawal si Jesus aw dakel se kagi din, “Aw memenal se otaw kanak, kenà olò siak se pemenalen din, meneng pemenalen din heman se Amay ko simogò kanak.

Juan 12:44 ပူးပေါင်းရင်းမြစ်များ

Mat. 10:40

“Aw megsagman se otaw kenyo, segmanen a din heman. Aw megsagman se otaw kanak, segmanen din heman se Amay ko simogò kanak.

Mar. 9:23

Minikagi si Jesus, “Nepela a so egdowa-dowa ka te mebatog ko. Wedad palos eked kebatog te Timanem megtabang te otaw somalig diyà kandin.”

Mar. 9:37

“Aw megsagman se otaw te sakop ko iling te kedanà te sebad batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, kenà olò siaken se segmanen din, so segmanen din heman se Amay ko simogò kanak.”

Juan 11:43

Penga te pegtawal-tawal i Jesus, timawal sikandin te dakel se kagi din, “Lazaro, lowà ka den kidoen.”

Juan 13:20

Eneng-enengi niyo se kagi ko kenyo. Aw megsagman se otaw te menge sogounun ko, segmanen a din heman. Aw megsagman se otaw kanak, segmanen din heman se Amay ko simogò kanak.”

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Juan 7:28

Pegtoladà i Jesus kidoen te dakel simbahan te Jerusalem, minikagi sikandin, “Eden niyo aw netegahan niyo te sinu a aw kenan a lekat. Dimini a kenà pineokit te kenaken ibeg, meneng insogò a dini. Egkeseligan se simogò kanak, meneng wedà kaw ketaga-taga kandin.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.