Juan 12:43 - Manobo Sarangani

⁴³ Migbolon dan te pegpemenal dan, so pengkey doen ibeg dan iduyun te Timanem, meneng labi dan pa meibeg iduyun te doma otaw.

Juan 12:43 ပူးပေါင်းရင်းမြစ်များ

Juan 5:44

Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Juan 5:41

Kenà aw egkeibegan ko se duyun te otaw,

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

1 Tesalonika 2:6

Wedad ibeg day te iduyun kay te menge doma otaw, aw wedad heman ibeg day te iduyun kay niyo.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.

Mat. 6:2

“Yan aw megtabang kaw te otaw sagkep, ikà niyo eg-indan diyà te kedita te otaw amon iduyun kaw dan, so iling kenyan se eg-inangen te otaw eden dan aw egpenimanem dan. Yan se eg-inangen dan doton te simbahan te Judiyo aw kidoen te dalan, amon iduyun dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Juan 8:54

Timaba si Jesus, “Simpana megpelangkaw-langkaw a, wedad ontong ko. Meneng ipegpelangkaw a te Amay ko, aw eg-ikagi kaw te sikandin se Timanem egsimbahen niyo.

Luc. 19:17

Minikagi se selotan, ‘Mèpiya se ininang nikaw. Pengkey deitek se imbegay ko diyà kamno, meneng keseligan ka, aw yan se doun te inangen ta den gobirnador lomowan diyà te sempolò lonsod.’

1 Pedro 3:4

Meneng keilangan ipekità niyo se mèpiya but lekat te pedowan niyo. Aw metinuud kaw, aw metelek kaw, yan se doen ontò keelagà eked palos pegkedaet, so ontò meelagà diyà te Timanem se otaw iling kenyan.

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Juan 7:18

Aw teboken te otaw se itoladà din, ibeg din domuyun te kandin pegkeotawun. Meneng aw pineokit te pegtoladà din, iduyun din se simogò kandin, yan se pengilala te benal se ipegtoladà din, aw kenà sikandin bolelawun.